Yavu Tudei Eso

Leqa ni iSulusulu

tovolea tiko e dua na goneyalewa e dua na ivinivo

iVakaraitaki mai vei Alyssa Petersen

Niu tiko ena koronivuli torocake, au a digitaki meu vakaitavi ena dua na soqoni ni vakaraitaki isulu. Au kila ni na digitaka o kodineita na vinivo e sega ni rakorako, kau mani tukuna vua niu na sega ni vakaitavi kevaka e sega ni rakorako na vinivo meu na daramaka. A kaya o koya ni sega ni dua na leqa.

Niu lako vata kei ira na noqu itokani me keimami laki raica na vinivo, au a veilecayaki. Mai na veika a tukuna vei au na kodineita, na vinivo taucoko sa veibasai ni isulusulu kei na irairai ena ivakatagedegede ni ivolalailai ni Me iSakisaki ni iTabagone. Baleta ni vaka me sega tu na kena iwali, au a tovolea e dua vei ira na vinivo sega ni rakorako. Au vinakata meu rairai totoka, ia niu daramaka na vinivo oya, au vakila niu sega ni vakataki au. Au vakataroga, “Na cava au na vakila ena iserau ni Turaga ena mataqali isulusulu vakaoqo?”

Au vakasamataka na sala meu na lako tani kina mai na ituvaki oqo. Kena itinitini, au a kunea na ivinivo ni poromu nei taciqu qase, ka sotava na ivakatagedegede ni Turaga. Niu tukuna vei ira na noqu itokani niu na vakayagataka na noqu vinivo, au rawa ni tukuna mai na irairai ni matadra ni ra nanuma niu na rairai vinaka cake ena isulusulu sega ni rakorako. E kalougata, ni kaya na kodineita ni sega ni dua na leqa kevaka au daramaka na kena e maqosa.

Au sa vakacegu, kau yalodei. Au sega ni kauwaitaka na ka era nanuma na noqu itokani. Au raica e dua na sala meu vakaitavi kina ena dua na ivinivo totoka ka rakorako. Au vakavinavinaka ni a tu vei au na yaloqaqa meu toroya cake tikoga na noqu ivakatagedegede, vakabibi ena gauna a sega kina ni rawarawa se taleitaki.

Jessika S., Indonesia