“Katomaira,” Ibukin Kakorakoraia Kairake, Tebetembwa 2021, inanon te moan baa.
Katomaira
Alora D.
19, Tennessee, USA
Tamau e mena n ana taanga ni buaka te U.S. ngaia ae e mwaiti mwaingiingira ngke ti rikirake. E kangaanga te nako ni karekeia raoraom, ao n au iango te maamaa bon anne anuau, n aron ae I been ma ti teuana au kara.
E a tia te been ni buokai n ataia bwa ngai bon te aomata ae rawata rinanin aroarou! Ngai te aomata ae kangaanga kaotan au namakin nakoia riki aomata ake tabeman, ma a rangi ni mwaiti riki karinanna ao mwakorokoron nakon arou, n aron te korototamnei ae bwanin karana. N tabetai aomata a kubanako n aron karanakin au tamnei, ma I ti tuangiia, “Kam kan kinaai!”
I teimatoa ni kataia ni kakaea bwa antai ngai ao ni karin mwakorokoro nako ni maiu. Ni koauana, I a tibwa ira te anene n aia kaboo n tain te Kaitara ni Itaramata irouia Ataeinnaine n Nobembwa 2020. I ataia bwa ngkana I karaoi bwaai aika bebete n aron warekan booki aika tabu ao n tataro, e buokai ni kaotaai bwa antai ngai ao antai ae tangiria Tamara are i karawa bwa n na katotongnga.