Kunnikai Aika Aki Tararaoi

Tamnei

te ataeinnaine e kataua ana kunnikai

Te Kamataata n te tamnei iroun Alyssa Gonzalez

Ngke I mena n te reirei ae rietaata, I rineaki bwa n na ira te kabotikiraoi ibukin ana kamataku te reirei ni katoa ririki. I ataia bwa te kouoteneita e na rinei kunnikai aika aki rangi ni mano iai rabwatau, ngaia ae I tuanga neienne bwa N na aki iria ngkana te kunikai ae n na bwainna e aki mano iai rabwatau. E taku bwa e na bon akea te kangaanga.

Ngke ngai ma raoraou ti nako n tuoa ara kunnikai, I aki ataia bwa tera ae n na karaoia. N aki tabe ma te bwai are e a tia n tuangai te kouoteneita, ni kabane kunnikai bon kaitaraan kainibaire iaon tein kunnikai ake a katauaki inanon Ibukin Kakorakoraia Kairake te boki ae uarereke. Bukina ngkai e taraa n akea riki te anga teuana, I karina teuana te kunnikai ae aki raoi kamanoa rabwatau. I tangiria bwa Na taraa ni botonaine, ma ngke I karina te kunikai arei, I aki namakinna ae aei boni ngai. I miimi bwa, “E na kanga au namakin imatan te Uea n te aeka ni kunikai aei?”

I iangoia bwa N na kanga n otinako man te kangaanga aei. N tokina, I kunea ana kunikai tariu ae e ikawai, are e bon kaineti ma ana kainibaire te Uea. Ngke I tuangiia raoraou ae N na kabongana oin au kunikai, I kona n noria man tein ubuia ae a taku bwa I a tara raoi riki n te kunikai ae manii ae e oti iai rabwatau. I tekeraoi bwa, e taekinna te kouoteneita bwa e OK ngkana I bwaina ae mano iai rabatau.

I kakaitau, ao I namakina te aki nanououa. I aki tabe ma te bwai are a iangoia raoraou. I kunea te kawai n ira buakon te kabotikiraoi ma te kunikai ae katekenano ao ni mano iai rabwatau. I rangi ni kakaitau bwa iai irou te ninikoria ni kawakina ni karietaa au kainibaire, riki ngkana e aki bebete ke ni kinaaki.

Jessika S., Indonesia