“Kataakin te Onimaki,” Ibukin Kakorakoraia Kairake, Tebetembwa 2021, 18–19.
Nakomai, Iriirai
Kataakin te Onimaki
1833. Jackson County, Missouri, USA. Taan iowaawa a imanonoia Aika Itiaki aika maeka ikekei bwa a na kitani mweengaia.
Iotebwa Timiti e aki ata te bwai ae na karaoia. N te tai ae aki maan ao e roko te kaotioti. Iotebwa e tuangaki bwa e na kateirakeia mwaane ni mwananga nako Missouri ao ni buokiia Aika Itiaki ni manga katei mweengaia.
Iotebwa e nako Missouri ma te kurubu ni waorantiia. Imwiina te kurubu e ataaki bwa ana Kaembwa Tion.
E matoatoa te mwananga n taai aikanne, ma a mwaiti aika a kukurei iai.
Imwiin teuana te namwakaina ni mwaati, e toki te kaembwa irarikin te karaanga.
A ongo ae mwaane ake n teitera are teuana a tataningaa buakaniia.
Tera ae ti na karaoia?
Tei naba …
… ao n noora ana kamaiu te Atua.
E aki maan ao e roko te angibuaka.
E mena te Atua inanon te angibuaka aei!
Te karau e karika te karaanga bwa e na iabuti n ae korakora n te aro are aikoa kona aia kairiribai kaain te kaembwa ni kuraotinna.
Imwiin tabeua te bong, Iotebwa e karekea te kaotioti are e a roko iai te tai n okiri mwengaia, e ngae ngke a tuai buokiia Aika Itiaki i Missouri n okira mwengaia.
E a tia te Uea ni butimwaea ara kekeiaki.
Ti a tia ni uotaki nakon te raroa aei ibukin kataakin ara onimaki. (Taraa Reirei ao Berita aika Tabu 105:19.)
Tabeman a taku n aia iango bwa e aki nakoraoi te mwananga.
Ti bane ni mwanang n nakomai n akea bukina!
Bukin tera ti okira mwengara imwain ae ti buokiia Aika Itiaki ikai?
Tabeman a taraia bwa bon te tibwanga ae onoti raonakin te Burabeti ao n reirei mai irouna.
Ana Kaembwa Tion e ibuobuoki ni katauraoia taan kairiiri n te Ekaretia n taai aika ana roko. Uoman mwaane aika a mwaati ma ana Kaembwa Tion a weteaki nakon te Kooram n Abotoro n te Teungaun ma Uoman.