“E taraa ni matoatoa kawakinan kainibaire ngkana aomata ni kabane aika I kinaia a rinanon te irekereke ae nene imarenaia. Tera ae I riai ni karaoia?” Ibukin Kakorakoraia Kairake, Tebetembwa 2021, 9.
Titiraki ao Kaekaia
“E taraa ni matoatoa kawakinan kainibaire ngkana aomata ni kabane aika I kinaia a rinanon te irekereke ae nene imarenaia. Tera ae I riai ni karaoia?”
Nakoraim-Bon Iroum
“Kataia ni karekea te taratara ae akea tokina ao kabanea am tai ni karikirakea te reitaki ae nene ma am utu ao raoraom. Katei aikai a na katikiia tabeman nakoim ibukina bwa a noora ae raoiroi iroum—bwa anne raoi bon ngkoe!”
Ellie S., 17, California, USA
Ukoukora te Kairi
“Ngkana iai am kangaanga ma namakinan ae ko kaokoroaki, butia Tamara are i Karawa ibukin te karaunano. Te Tamnei ae Raoiroi e na kairiko ao e na mena ikekei ibukim. Ko kona, n tainako n tuangiia am karo ao am taan kairiiri ibukin te kaetieti, ibukina bwa a tia n rinanon bwaai naba ae aekan akanne!”
Jaime G., 17, Nuevo Casas Grandes, Mexico
Kakaeia Raoraou aika Boou
“N na kauringai bwa e tangirai te Atua. Ngkanne n na karekea au tai n reitaki ma raouraou ake rimoa, ao ni karaoi waaki ni kakukurei ni karekeia raoraou aika boou. Ko kona ni kabongana te tai aei ni katea am onimakinam, tarena, ao am koaua, ao a na bane ni korobukiia.”
Julia S., 12, Alberta, Canada
Aia Reirei Burabetil
“E kona ni kangaanga iangoan te maiu ae akea tokina ngkana ‘te tai ae ngkai’ e taraa ni kakawaki riki. Uringnga bwa a tia burabeti ao taan kairiiri n te Ekaretia ake tabeman n tia n reirei n ae korakora ni kaitara te reitaki n tangira n am roro n rikirake, riki iaan te ririki ae 16. Irekereke aika a matoa ngkai ko kairake a kona ni kairiiri nakon te uruakinnano ao iango aika aki raoiroi. Ko kona naba n tuanga Tamara are i Karawa ibukin te bwai ae moan te tamaroa ibukim bwa ko na karaoia.”
Julia C., 17, Utah, USA
Iira Buokona
“Te kawai ae raoiroi n namakina ae ko kaaina bon man te irekereke ma bwaai riki tabeua. Kataa te takakaro ae boou, kabaea aram ibukin te kaotioti n te reirei, ke karin n te kirabu n robwaoti. Ngkana ko karaoa te bwai ae ko tangiria, ko na kaitibo ma aomata aika ko tangiriia bwa ko na airiiri mangaiia.”
Mayah S., 16, Beijing, China
Bon Am Rinerine
“Ngkana e a tia ni koro 16 am ririki, ko kona n rineia ngkana ko tangiria ni marooro temana nakon temana. Ma ngkana ko karaoa te rinerine anne, tai iangoi bwaai aika a na iangoi tabeman ibukim. Ngkana ko namakinna bwa ko a tauraoi, ngkanne karaoia. Ngkana ko aki, tai karaoia.”
Felipe M., 14, Rio de Janero, Brazil
Reitaki Riki Tabeua Aika Kakawaki
“E ngae ngke e tuai reke am irekereke ma ‘am tangira,’ ko teimatoa n iai am reitaki ae tamaroa ma raoraom ao am utu aika irarikim. Bwaina te kakaitau ibukin reitaki aikanne. N te aro bwa ko na kakorakora am reitaki ma am utu ao raoraom, riki n aron Kristo ao te banna ni katooto ae raoiroi.”
Taylee L., 17, Utah, USA
Tataninga ni Katea te Irekereke ae Matoa
“I aki tangiria n iraorao moa. Tabeman raoraou aki tangiria n airiiri ma ngai ibukina bwa a kabanei aia tai ni kabane ma raoia mwaane. I namakinna ae kanga I inaomata ni kaitibo ma aomata n aki moan taai ni karaoai babaire aika kakawaki.”
Gina C., 16, Nuevo Casas Grandes, Mexico
Tai Karawawatako
“I a tia n namakina te aeka n namakin anne, ma te tataro nakon te Uea, warekan au boki aika tabu, ao te taetae ma au karo e a tia ni buokai. Ti aki tangiria ni karawawataaki, bukina bwa e na buokiira te Uea n ataia bwa ningai te tai ae eti. Kukurei ni maium, ao kabanea am tai ma raoraom ao am utu ngkai ko kairake! Te tai aei ni maiura e na riki ti tetaina, ngaia ae tai kairoroa bwa kona kabaitiia.”
Victoria G., 16, Nuevo Casas Grandes, Mexico