“Te Atua E na Buaka Ibukim N Am Buaka—n Ana Kawai,” Ibukin Kakorakoraia Kairake, Tebetembwa 2021, 15–17.
Nakomai, Iriirai
Te Atua E na Buaka Ibukim N Am Buaka—n Ana Kawai
Aomata Aika Itiaki ake ngkoa a reiakina teuana ke uoua te bwai iaon ana kawai te Atua.
Ana Kaembwa Tion iroun Judith Mehr
Ma taan iowawa aika un aika a raka mwaitiia iaon 300 a berita ba a na kamaunanakoia n te moaningabong, aia kurubu aomata Aika Itiaki ake kaain ana Kaembwa Tion a bon kakantaninga ao n tataro ibukin te kakai.
Iaan ana kairiri Iotebwa Timiti, Ana Kaembwa Tion a bane ni karaoa aia mwaati inanon wiiki aika bati mai Ohio nako Missouri. Membwa n te Ekaretia aikai a bon kantaningaia bwa ana buokia aomata Aika Itiaki ake a kakioakinako mai Jackson County, Missouri, USA, ni manga karekei abaia. Ma a rinanon kangaanga ao kaaitara rinanon aia mwaati. Ao n te tai aio, tabeman taan iowawa a karaoa te mwakuri ni iowawa nakoia.
Te kakai are a tia n tataroakinna aomata Aika Itiaki n Ana Kaembwa Tion bon iaon kawaina n roko. E roko bwa te bwariko n nang ae korakora roroona mai I kiiraroa. E roko te buaka ae korakora are e rootii iteran taabo nako are e uota te karau atibuaiti ae korakora . Te buaka aio are e a totokoa rokoia taan iowawa aika iaon kawaia nakoia Aika Itiaki.
“E taraa n ae kanga te buoka ni karekekai e a nako man Atuan te buaka ni kamanoia ana toro, man te kangaanga mai irouia aia kairiribai,” E kabwarabwaraaki n Rongorongon Iotebwa Timiti. “E bwaka te karau atiibuaiti iaoia, ao tiaki iaora, ao akea ae reke n te kangaanga mai iroura ma ti bwakan ara oning man te ang ao ni kamwaimwaia tabeman, ngkai ara kairiribai ao iai bwangabwanga inanon bwaraia ao n uruaki, riki uruakin nen aia kati ao birinakoia aia aoti.”1
Ana urubwai te karau ae te atibuaiti aio bon ti mwakoron teuana te angibuaka ae roko aio. E bwaka te karau n rangi ni korakora iaon te tabo ae te Karaanga n Akawa, te karanga ae kauamaenakoi kurubu ake uoua, e rikirake korakoran te ran ni kaniia 40 te buuti (12 miita) nanona. Ai bon tibwa te moaningabong ao e a roko naba n te nimoimoi ni wae nanona.
E a tia ni berita te Uea nakoia membwa n Ana Kaembwa Tion, “N na buaka n ami buaka” (Reirei ao Berita aika Tabu 105:14). Ngkana e riki anne, e na akea te raraoma bwa e nga te itera ae na tokanikai.
Kakai n Taai-Aikai
N tabetai ngkana ko warekii rongorongo ae aekakin aikai, ko na bon bae ni iangoia bwa bukin tera kakai aika a bubura aikai a taraa n aki ririki nakoim n ami kangaanga.
Unimwaane Jeffrey R. Holland man te Kooram n Abotoro n te Tengaun ma Uoman e tibwauai atatai aika nano aika a kona n ibuobuoki. E taku: “Taiaoka kam na ataia bwa te Atua are aki kona ni matu ke ni motirawa e tabeaianga ibukin kukureia ao karietatakiia ae akea tokina Natina iaon bwaai ni kabane n aron are a na karaoia naake i karawa. Ngaia te tangira ae itiaki, arona ae mimitong, ao te Tama ae Nanoanga bon Arana.
“‘Ngkana ngaia anne,’ ko na bae ni kangai, ‘tiaki Ana tangira ao ana nanoanga e na kabebetei ara kangaanga n aron are e bwena Taari ae Uraura bwa ti na kona n nakonako iai rinanon ana kangaanga iaon te tano ae mwau?’”
N taekana teuana, ngkana te Atua e a tia ni buakana te buaka ibukiia Natina n taai aika a nako, bukin tera bwa e na aki ngkai? Bukin tera bwa e aki kamaunanakoi aoraki ni kabane? Bukin tera e aki katoka te buaka ao te baki ma te korakai ni kabuta te aonaaba?
Ke bukin tera e aki katoka te tia kanunuun are e aki kona ni katikuko bwa ko na rau? Ke ni buokiia am utu ni kanakoraoia riki?
Unimwaane Holland e reitia nako n reirei: “Kaeka nakon titiraki akanne bon ‘Eng, te Atua e kona ni karaoi kakai n te tai ae waekoa, ma n te tai ae waekoa ke rimwi tina ataia bwa taai ma bongin mwanangara n te maiu n rabwata bon Ana bwai ao bon ti Ngaia ae E na kairia.’ “Te Atua e kairi bwaai ao taai inanon maiura aika a kakaokoro ibukiia aomata nako.”2
Ngkana ko toua mwiin ana tua te Atua, bon ngkoe temanna ae ko na buokaki iroun te Atua. Ma bon akea mai ibuakora ae kona n rineia bwa e kanga ke ningai ae e na roko iai te ibuobuoki.
Kakabwaia Aika Aki Kantaningaaki
Ti a maroroakina riki taekan ana Kaembwa Tion. Te kakai n te Karaanga n Akawa boni moan te kakaongora. Ao bon tiaki tii ngaia te kakai ae a nooria kaain Ana Kaembwa Tion aio n tain aia mwaati. Ma ngkana ko wareka Nakomai, Iriirai ao n reirei n te tiemninari n te namwakaina aei, bwaai aki roko raoi n aron are a tia ni baireia aomata Aika Itiaki .
A taku bwa oin Ana Kaembwa Tion bon buokan karekean aaba iaon Kaawan Jackson ake a tia ni kimoaaki mai irouia aomata Aika Itiaki irouia taan iowawa.
A tia ni kaokaki abaia aomata Aika Itiaki aikai? A aki.
A tia n rootaki n te rawawata aomata Aika Itiaki aikai n tain te mwaati ae kaaniia 900-te maire (1,448-kiromiita) nako Missouri? Eng, a tia. Tabetai n ae mwaiti. Te bwai ae riki ae e nang korakora, bon butinakon te korera ae rotiia ni waekoa naake n te kaembwa ao n tiringiia 13.
Ni bon taraakina, e taraa n ae te kekeiaki ni kabane are e karaoaki e bon aki koro bukina. Ma tiaki raoi anne aron are a noria taan mwaati n te kaembwa. E taku Bringham Young n te taneiai aei, “E rangi n raoiroi boou—I kaboaki ma rakana ae korakora—eng … bwa ake I karekei e a taonako n te atatai are I a tia ni karekea ni mwanangau ma te Burabeti [Iotebwa Timiti].”2
Angiia membwa n Ana Kaembwa Tion a maroro iaon reirei ake a reiakin ao kakawakin te mwaati. Te Burabeti Iotebwa Timiti e taekinna: “Tariu, tabeman mai ibuakoami a nanobuaka irou, bukina bwa kam aki un i Missouri; ma N na tuangkami, e aki tangiria te Atua bwa kam na un. E aki kona ni barongaa aban ueana … ni karokoa e anaiia [ana taan kairiri] man aia rabwata mwaane ake atia n anga maiuia, ao ni karaoa te anganano ae korakora n aron are e karaoia Aberaam.”4
Ana Kaembwa Tion iroun C.C.A. Christensen
Aia kakaonimaki e aki reke man kaokan abaia. Ma e bon korakora kakabwaiaakiia n aanga aika a bati. Anne aron teina ae ko na kinaa inanon maium. Ao tera ae buokira iai te Atua n riki rinanon katakiira bon te kakai ae korakora nakon are E kainaomataira man katakira.
E Bon Tokanikai te Atua
Ngkai ko kamatebwaia maiuia aomata Aika Itiaki n taai ake ngkoa, ko kona ni kunea ana kairoro te Atua n taai aika mwaiti. Ko wareware iaon taekan taian kakabwaia. Ko kunei naba taai n rawawata aika a korakora. Ma nakoia ake a onimakina te Atua ni karokoa tokin maiuia, kanuangaia n aki toki e na bon reke.
Ngkana ko iriira te Atua ao n Onimakinna, E na bon buakana am buaka ao ni katauraoi kakai ake ko kainnanoi! Kakai aikai a na bon roko inanon oin ana kawai ao ana tai, ma e na bon kona n riki. Kangaanga nako a na bon reke aron katokaia—inanon te maiu aio ke ae na roko. N titebo kakawakiia, ngkana ko iriiria, ko na bon aki nakonako n tii ngkoe. “Mangaia are, kakaonimaki; ao nooria, ao taraia, I mena ma ngkami ni karokoa te toki” (Reirei ao Berita aika Tabu 105:41).