« ភ្ជាប់ » ដើម្បីកម្លាំងនៃយុវជន ខែ កញ្ញា ឆ្នាំ ២០២១ នៅខាងក្នុងក្របមុខ ។
ភ្ជាប់
អាឡូរ៉ា ឌី
១៩ ឆ្នាំ រដ្ឋថេនណេស៊ី ស.រ.អ.
ប៉ារបស់ខ្ញុំគឺជាទាហានអាមេរិក ដូច្នេះយើងផ្លាស់ប្ដូរទីលំនៅជាច្រើនដងអំឡុងពេលខ្ញុំធំឡើង ។ វាពិបាកនឹងមានចរិតរួសរាយ ហើយរាប់អានមិត្តណាស់ ព្រោះខ្ញុំគិតថា អត្តចរិតពិតរបស់ខ្ញុំគឺអៀនខ្មាសណាស់ គឺហាក់ដូចជាខ្ញុំគូររូបគំនូរដោយប្រើពណ៌តែមួយអញ្ចឹង ។
ការគូរគំនូរបានជួយខ្ញុំឲ្យដឹងថា តាមពិតទៅ ខ្ញុំជាមនុស្សចម្រុះពណ៌ខ្លាំងណាស់ ! ខ្ញុំអៀនប្រៀនជាងមនុស្សដទៃ ប៉ុន្ដែអត្តចរិតរបស់ខ្ញុំមានច្រើនស្រទាប់ និងបំណែកផ្សេងទៀត គឺដូចជារូបគំនូរចម្រុះពណ៌ដែរ ។ ពេលខ្លះ មនុស្សទូទៅភ្ញាក់ផ្អើលនឹងរូបគំនូរដ៏ចម្រុះពណ៌របស់ខ្ញុំ ហើយខ្ញុំគ្រាន់តែប្រាប់ពួកគេថា « បងប្អូនត្រូវស្គាល់ខ្ញុំឲ្យច្បាស់បន្ដិច ! »
ខ្ញុំនៅតែព្យាយាមស្គាល់ខ្លួនឯង និងបន្ថែមបំណែកជាច្រើនទៀតដល់ខ្លួនខ្ញុំ ។ តាមពិតទៅ ថ្មីៗនេះខ្ញុំបានច្រៀងនៅក្នុងព្រឹត្តិការណ៍ក្រុមយុវនារី Face to Face នាខែ វិច្ឆិកា ឆ្នាំ ២០២០ នេះ ។ ខ្ញុំដឹងថា ពេលខ្ញុំធ្វើកិច្ចការសាមញ្ញៗ ដូចជាការអានព្រះគម្ពីរ និងអធិស្ឋាន នោះវាជួយខ្ញុំឲ្យរៀនអំពីខ្លួនឯង និងបុគ្គលដែលព្រះវរបិតាសួគ៌សព្វព្រះទ័យឲ្យខ្ញុំប្រែក្លាយ ។