« ការសាកល្បងមួយនៃសេចក្ដីជំនឿ » ដើម្បីកម្លាំងនៃយុវជន ខែ កញ្ញា ឆ្នាំ ២០២១ ទំព័រ ១៨–១៩ ។
ចូរមកតាមខ្ញុំ
ការសាកល្បងនៃ សេចក្ដីជំនឿ
ឆ្នាំ ១៨៣៣ ឃុំចាកសុន រដ្ឋមីសសួរី ស.រ.អ. ។ ហ្វូងមនុស្សកំណាចបានបង្ខំពួកបរិសុទ្ធដែលរស់នៅទីនោះ ឲ្យចាកចេញពីលំនៅដ្ឋានរបស់ពួកគេ ។
យ៉ូសែប ស្ម៊ីធបានឆ្ងល់ថាត្រូវធ្វើយ៉ាងដូចម្តេច ។ មិនយូរប៉ុន្មាន មានវិវរណៈមួយកើតឡើង ។ យ៉ូសែប ត្រូវបានប្រាប់ឲ្យប្រមូលពួកបុរសដើម្បីធ្វើដំណើរទៅកាន់រដ្ឋមីសសួរី ហើយជួយពួកបរិសុទ្ធឲ្យទទួលបានលំនៅដ្ឋានរបស់ពួកគេមកវិញ ។
យ៉ូសែប បានចេញទៅរដ្ឋមីសសួរីជាមួយនឹងក្រុមអ្នកស្ម័គ្រចិត្តមួយក្រុម ។ ក្រុមបន្ទាប់ត្រូវបានគេស្គាល់ថាជាជំរំស៊ីយ៉ូន ។
នៅពេលខ្លះការធ្វើដំណើរនេះមានការលំបាក ប៉ុន្ដែមនុស្សជាច្រើនបានរីករាយនឹងវា ។
ក្រោយពីដំណើរដោយជើងរយៈពេលមួយខែមក ក្រុមជំរំនេះបានឈប់នៅក្បែរទន្លេមួយ ។
ពួកគេបានឮថា ពួកបុរសនៅម្ខាងទន្លេទៀតកំពុងរង់ចាំដើម្បីវាយប្រហារពួកគេ ។
តើយើងត្រូវធ្វើអ្វីទៅ ?
នៅស្ងៀម …
… ហើយមើលពីសេចក្ដីសង្គ្រោះរបស់ព្រះ ។
មិនយូរប៉ុន្មាន មានខ្យល់ព្យុះមួយបានមកដល់ ។
ព្រះទ្រង់គង់នៅកណ្ដាលខ្យល់ព្យុះនេះ !
ភ្លៀងបានបណ្ដាលឲ្យទឹកទន្លេជន់ឡើងយ៉ាងខ្លាំង រហូតដល់ពួកសត្រូវរបស់ជំរំនេះមិនអាចឆ្លងទន្លេមកបាន ។
ពីរបីថ្ងៃក្រោយមក យ៉ូសែបបានទទួលវិវរណៈថា ដល់ពេលដើម្បីត្រឡប់ទៅផ្ទះវិញហើយ ទោះបីជាពួកគេមិនបានជួយពួកបរិសុទ្ធនៅរដ្ឋមីសសួរី ឲ្យត្រឡប់ទៅកាន់លំនៅដ្ឋានរបស់ពួកគេវិញក្ដី ។
ព្រះអម្ចាស់បានទទួលយកការខិតខំប្រឹងប្រែងរបស់ពួកយើង ។
យើងត្រូវបាននាំមកដល់ទីនេះ សម្រាប់ការសាកល្បងមួយចំពោះសេចក្ដីជំនឿរបស់យើង ។ ( សូមមើល គោលលទ្ធិ និង សេចក្ដីសញ្ញា ១០៥:១៩ ) ។
មនុស្សមួយចំនួនគិតថា ការធ្វើដំណើរនេះទទួលបរាជ័យ ។
យើងធ្វើដំណើរវែងឆ្ងាយនេះគឺឥតប្រយោជន៍សោះ !
ហេតុអ្វីយើងត្រូវទៅផ្ទះវិញ ទាំងមិនទាន់បានជួយដល់ពួកបរិសុទ្ធនៅទីនេះផងនោះ ?
មនុស្សភាគច្រើនគិតថា វាជាអភ័យឯកសិទ្ធិដើម្បីនៅជាមួយព្យាការី ហើយរៀនពីលោក ។
ជំរំស៊ីយ៉ូនបានជួយរៀបចំថ្នាក់ដឹកនាំរបស់សាសនាចក្រនាពេលអនាគត ។ បុរសចំនួនប្រាំបីនាក់ ដែលបានធ្វើដំណើរជាមួយនឹងក្រុមជំរំស៊ីយ៉ូន ត្រូវបានហៅឲ្យបម្រើក្នុងកូរ៉ុមនៃពួកសាវកដប់ពីរនាក់ ។