“Fesootai,” Mo le Malosi o le Autalavou, Set. 2021, totonu o le faavaa pito i luma.
Fesootai
Alora D.
19, Tennessee, ISA
O lou tama o loo i le militeli a le I.S., o lea sa matou siitia solo ai a o tuputupu ae. Sa faigata ona faamasani ma faia ni uo, ma sa ou manatu o le matamuli o lou uiga atoa lea, sa pei au o se atavali e na o le tasi le lanu.
Sa fesoasoani le atavali ou te iloa ai o au moni lava o se tagata e felanulanuai! Ua sili atu lou taofiofi nai lo isi tagata, ae e tele naua isi vaega ma uiga i lou tagata, e pei o se atavali lanu atoatoa. O nisi taimi e faateia ai tagata i le felanulanuai o au atavali, ma ou te tau atu ia i latou, “E tatau ona e iloa au!”
O loo ou tau faavasegaina lava po o ai au ma faaopoopo nisi vaega ia te au lava. O le mea moni, sa ou pese talu ai nei i le faasalalauga o le Talanoaga Faafesagai a Tamaitai Talavou ia Novema 2020. Ou te iloa pe a ou faia ni mea faigofie e pei o le faitauina o au tusitusiga paia ma tatalo, e fesoasoani ia te au e aoao ai po o ai au ma pe o ai foi e finagalo le Tama Faalelagi ia ou avea ai.