“O se Suega o le Faatuatua,” Mo le Malosi o le Autalavou, Set. 2021, 18–19.
Sau, Mulimuli Mai ia te A’u
O se Suega o le Faatuatua
1833. Itumalo o Siakisone, Misuri, ISA. Sa faamalosia e tagata faatupu faalavelave le Au Paia sa nonofo ai iina e tuua o latou fale.
Sa mafaufau Iosefa Samita po o le a le mea e fai. E lei umi ae oo mai se faaaliga. Sa tau atu ia Iosefa e aumai ni alii e malaga i Misuri ma fesoasoani i le Au Paia ia toe maua o latou fale.
Na tuua Iosefa mo Misuri faatasi ma se vaega o volenitia. Sa lauiloa mulimuli ane le vaega o le Tolauapiga a Siona.
Sa faigata le malaga i nisi o taimi, ae sa toatele na fiafia i ai.
Ina ua mavae se masina o le savaliga, sa malolo le tolauapiga i tafatafa o se vaitafe.
Sa latou faalogo o alii i le isi itu sa faatalitali e osofaia i latou.
O le a se mea o le a tatou faia?
Ia filemu …
… ma vaai i le faaolataga a le Atua.
E lei umi ae oo mai se afa.
O loo i ai le Atua i le afa!
O le timu na mafua ai le pa tele o le vaitafe na le mafai ai ona sopoia e fili o le tolauapiga le vaitafe.
Ina ua mavae ni nai aso, sa maua e Iosefa se faaaliga ua oo i le taimi e toe foi ai i le fale, e ui lava latou te lei fesoasoani i le Au Paia i Misuri e toe faafoi mai o latou fale.
Ua talia e le Alii a tatou taumafaiga.
Ua aumaia i tatou i lenei mea mamao mo se tofotofoga o lo tatou faatuatua. (Tagai i le Mataupu Faavae ma Feagaiga 105:19.)
Sa manatu nisi o se malaga toilalo.
Sa tatou o mai i lenei ala mamao mo le leai o se mea!
Aisea o le a tatou toe o ai i le fale ae lei fesoasoani atu i le Au Paia iinei?
Sa toatele na vaai i ai o se avanoa e faatasi ai ma le Perofeta ma aoao ai mai ia te ia.
Na fesoasoani le Tolauapiga a Siona e saunia taitai o le Ekalesia i le lumanai. E toavalu tamalii o e na savavali faatasi ma le Tolauapiga a Siona sa valaauina i le Korama a Aposetolo e Toasefululua.