“Fausiaina o Siona e ala i le Lotogatasi,” Mo le Malosi o le Autalavou, Set. 2021, 20.
Tuleiga Faaiu
Fausiaina o Siona e ala i le Lotogatasi
E faavae i se lauga o le konafesi aoao o Oketopa 2008.
O Siona o se nofoaga ma se nuu. O Siona o le igoa na tuuina atu i le aai anamua o Enoka. Sa ta’ua e le Alii le nuu o Enoka o Siona, “aua sa tasi o latou loto ma tasi le mafaufau, ma sa mau i le amiotonu; ma sa leai se mativa i totonu o i latou” (Mose 7:18). O isi taimi sa Ia fetalai ai, “Aua o Siona lenei—o e ua loto mama” (Mataupu Faavae ma Feagaiga 97:21).
Ina ia faatuina Siona i o tatou aiga, paranesi, uarota, ma siteki, e tatau ona tatou (1) ia lotogatasi i le loto e tasi ma le mafaufau e tasi; (2) avea ma tagata paia; ma le (3) tausia o e matitiva ma e le tagolima. E le mafai ona tatou faatalitali sei iloga e oo mai Siona ona faatoa tupu lea o nei mea—o le a faatoa oo mai Siona pe afai e faia ia mea.
O le a tasi lo tatou loto ma tasi le mafaufau a o taitasi i tatou ma tuu le Faaola i le totonugalemu o o tatou olaga, ma mulimuli ia i latou na Ia poloaiina e taitai i tatou, ma lotogatasi i le alofa ma le popole mo le tasi ma le isi. O lenei lotogatasi ma le alofa mo le tasi ma le isi, ua faateleina i le faitau afe o taimi i auala eseese, o le a “faafoisia Siona” (Isaia 52:8).
Ata na tusia e Albert Pinilla