“Utata kwenye Mavazi,” Kwa ajili ya Nguvu kwa Vijana, Sept. 2021, 8.
Misingi Imara
Utata kwenye Mavazi
Kielelezo na Alyssa Gonzalez
Wakati nilipokuwa shule ya upili, nilichaguliwa kushiriki katika tukio la maonesho ya mitindo ya mavazi la kila mwaka. Nilijua kwamba mratibu atachagua nguo ambazo hazikuwa na staha, kwa hiyo nilimwambia kwamba sitashiriki kama nguo niliyotakiwa kuivaa ilikuwa isiyo na staha. Alisema kwamba hakungekuwa na tatizo.
Wakati rafiki zangu na mimi tulipokwenda kukagua nguo zetu, nilibaki njia panda. Licha ya kile mratibu alichoniambia, nguo zote zilikuwa kinyume na viwango vya mavazi na mwonekano katika kijitabu cha Kwa Ajili ya Nguvu kwa Vijana. Kwa sababu ilionekana kama hapakuwa na suluhisho, nilijaribu moja ya nguo zisizo na staha. Nilitaka nionekane nimependeza, lakini nilipoivaa nguo ile, sikujisikia kama ni mimi mwenyewe. Nilijiuliza, “Je, ningejisikia vipi katika uwepo wa Bwana kwenye aina hii ya nguo?”
Nilifikiria kuhusu jinsi ambavyo ningeweza kutoka kwenye hali hii. Hatimaye, nilipata nguo ya dansi rasmi ya dada yangu mkubwa, ambayo ilitimiza vigezo vya Bwana, Nilipo waeleza rafiki zangu kwamba nitatumia nguo yangu mwenyewe, niliweza kutambua kutoka sura zao za huzuni kwamba walifikiri ningeonekana nadhifu zaidi katika nguo zisizo na staha. Kwa bahati mzuri, mratibu alisema ilikuwa SAWA kuvaa yenye staha.
Nilifarijika, na nilijisikia kujiamini. Sikujali nini rafiki zangu walifikiria. Nilipata njia ya kushiriki na nguo ya kupendeza na ya staha. Nilikuwa na shukrani kwamba nilikuwa na ujasiri wa kuweka vigezo vyangu juu, hususani wakati haikuwa rahisi au ya kupendeza.
Jessika S., Indonesia