“Fitsapam-pinoana,” Ho zatovo mahery!, sept. 2021, 18–19.
Avia, hanaraka Ahy
Fitsapam-pinoana
1833. Fivondronan’i Jackson, Missouri, Etazonia. Noteren’ireo mpihetraketraka handao ny trano fonenany ireo Olomasina.
Nanontany tena ny amin’ny tokony hataony i Joseph Smith. Vetivety foana dia nisy fanambarana tonga taminy. Nolazaina i Joseph mba hanangona lehilahy izay handeha ho any Missouri ary hanampy ireo Olomasina haka ireo tranony indray.
Nankany Missouri niaraka tamin’ny vondron’olona mpilatsaka an-tsitrapo i Joseph. Io vondrona io dia nantsoina hoe Tobin’i Ziona taty aoriana.
Sarotra ilay dia indraindray kanefa dia maro ireo izay nifaly tamin’izany.
Rehefa nandeha nandritra ny iray volana ilay toby dia nijanona teo amin’ny renirano iray.
Ren’izy ireo fa nisy lehilahy teny ampita izay niandry mba hanafika azy ireo.
Inona no hataontsika?
Mijoroa …
… fa hahita ny famonjen’ Andriamanitra.
Vetivety foana dia nisy tafio-drivotra tonga.
Andriamanitra dia ao anatin’io rivo-mahery io!
Nampiakatra ny renirano ny ranon’orana ka tsy afaka niampita izany ireo fahavalon’ilay toby.
Andro vitsivitsy taorian’izay dia nahazo fanambarana i Joseph fa fotoana hodiana io fotoana io na dia mbola tsy nanampy ireo Olomasina tao Missouri hody amin’ny taniny aza izy ireo.
Nanaiky ireo ezaka atoantsika ny Tompo.
Nentina hatreto isika mba hisedrana ny finoantsika. (Jereo ny Fotopampianarana sy Fanekempihavanana 105:19.)
Nisy ireo nihevitra fa tsy nahomby ny dia.
Tonga taty lavitra aty amin’ny tsy misy antony isika!
Nahoana isika no hody kanefa tsy mbola nanampy ireo Olomasina aty?
Ny ankamaroany dia nahita fa fahafahana lehibe ny tafiaraka amin’ny Mpaminany sy nianatra avy taminy.
Nanampy nanomana ny mpitarika ao amin’ny Fiangonana ny Tobin’i Ziona. Lehilahy valo niara namindra tamin’ny Tobin’i Ziona no voantso ho tao amin’ny Kôlejin’ny Apôstôly Roambinifolo.