“Kustaajabu juu ya Kristo na Injili Yake,” Kwa Ajili ya Nguvu Kwa Vijana, Mei 2022.
Kikao cha Jumapili Alasiri
Kustaajabu juu ya Kristo na Injili Yake
Dondoo
Nimetafakari juu ya maajabu ya kiroho, nikisema hivyo, ambayo tunaweza na tunapaswa kuyahisi kwa ajili ya injili ya Yesu Kristo na tofauti inayoweza kuleta katika ufuasi wetu na katika safari yetu kuelekea uzima wa milele. …
… Kwenye kiini cha juhudi yetu kwenye safari hii ni, ndiyo, amri kuu mbili: kumpenda Bwana Mungu wetu na kumpenda jirani yetu kama tunavyojipenda. …
… Kwa hiyo, wakati kwa makusudi na kwa dhati tunapojizatiti sisi wenyewe kumtazama Yeye na kujifunza kutokana na mfano Wake mkamilifu, tunapata kumjua Yeye vyema. Tunakua katika shauku na hamu ya kujumuisha katika maisha yetu kiwango cha juu cha jinsi tunavyopaswa kuishi, mfano tunaopaswa kuweka na amri tunazopaswa kufuata. …
Rafiki zangu wapendwa, mambo haya yote huimarisha kustaajabu kwetu kiroho juu ya injili na hutusukuma kutii kwa shangwe maagano tunayofanya na Bwana—hata katikati ya majaribu na changamoto tunazopitia. …
… Ninaomba kwamba daima tutasimama katika kumstaajabia Yesu Kristo na upendo Wake kamili, usio na mwisho na mkamilifu. Hebu kumbukumbu ya kile macho yetu yalichoona na mioyo yetu ilichohisi iongeze kustaajabu kwetu kwenye dhabihu ya upatanisho ya Mwokozi, ambayo inaweza kutuponya majeraha yetu ya kiroho na kihisia na kutusaidia kusonga karibu Naye.