“Ekkeijel,” N̄an Kōkajoorļo̧k Jodikdik ro, M̧aaj. 2023.
Ekkeijel
Rikuto I.,
16, Japan
Pija jān Sayaka Okubo
Eta in Rikuto, im ij jān Matsudo City, Japan.
Ilo juon iien m̧akūtkūt an nokon in jota an baam̧le, ikar kōjerbal Family Tree app eo n̄an ekkatak wōn ro jibum̧ im jim̧m̧aam etto im kar wāween rōt mour ko aer. Ikar bwilōn̄ ke ikar ekkatak bwe juon iaan ro nuku etto ekar juon ritarinae eo ekar juon riwaj n̄an juon irooj in Japan eo ekar mour etto.
Em̧m̧an ikkure jakad ippa, ak kōnke n̄a juon uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata, ikar jab kōņaan ikkure ilo raan in Jabōt. Ekar pen n̄an eō n̄an aō ba n̄an coach eo aō bwe ijjab maron̄ practice ilo raan in Jabōt, ak ke ikar kōmeļeļeik bwe ij jar in jabōt, ekar kōtļo̧k wōt aō pād ilo tiim eo.
Kōnke ikar jab kobaļo̧k ilo ikkure ko ilo raan in Jabōt, ro m̧ōtta ilo tiim eo rekar jab lōke jon̄an jeļā eo aō. Ikar jar bwe in maron̄ mijeļo̧k wōt im em̧m̧an aō ikkure ilo iien practice, kōnke ekar jab ļap aō iien practice im āinwōt ro ilo tiim eo. Ke ekar itok iien jie eo, kar kajjitōk ippa n̄an bōk koņaao ilo iien ikkure eo. Ikar jeļā bwe Anij ekar jipan̄ eō n̄an kōtōprak kōttōpar eo.