“Pedped in Katak ko n̄an Aolep, Kālet ko Em̧ōj Kalikkari,” N̄an Kōkajoorļo̧k Jodikdik Ro, M̧aaj 2023.
Pedped in Katak ko n̄an Aolep, Kālet ko Em̧ōj Kalikkari
Ewi wāween am̧ mour kōn pedped in katak ko ilo jekjek ko jet ilo mour eo am̧?
Kōmeļeļe jān Josh Talbot
Erkein jilu enaan ko jān jilu rikanaan ro. Lale eļan̄n̄e kwomaron̄ loe juon unin kōnono rej āinjuon.
“O kom̧in meletlet; ta Imaron̄ ba eļapļo̧k?”
“Im āliktata, ij jab maron̄ ba n̄an kom̧ aolep men ko kom̧ maron̄ jero̧wiwi ie.”
“Ij katakin er pedped in katak ko rejim̧we, im rej tōl er make.”
Teachings of Presidents of the Church: Joseph Smith [2007], 284.
Ilo kalimjōkeļo̧k āinwōt rikanaan ro rej letok pedped in katak ko an gospel eo an Irooj innem kōtļo̧k n̄an kōj n̄an mour kaki. Rejjab letok n̄an kōj meļeļe ko aolep āliktata. Kōn menin, ewi wāween ad bōk katak ko aer im mour kaki?
Ewi Wāween Am̧ Mour kōn Katak ko an Rikanaan ro?
Rikanaan ro rej letok kien ko jān Anij. Rej barāinwōt katakin kōj pedped in katak ko im unin tōl ko me rej jipan̄ kōj mour kōn m̧ool ko im kien ko—n̄an waanjon̄o̧k, ilo N̄an Kōkajoorļo̧k Jodrikdrik ro unin tōl eo.
Ak ro uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata jet iien rej ļōmņak kōn meļeļe ko—men ko ralikkar me je aikuj kōm̧m̧ane n̄an kōkm̧anm̧anļo̧k ad mour kōn pedped in katak ko an gospel in im kien ko. N̄an waanjon̄o̧k, armej rej ļōmņak kōn lukkuun jekjek in nuknuk rōt ko rej kwalo̧k kautiej ejim̧we n̄an ānbwinid. Ak remaron̄ ļōmņak ta eo rej lukkuun aikuj kōm̧m̧ane ilo raan in Jabōt n̄an kokwōjarjar e.
Pedped in Katak ko n̄an aolep maron̄ mour kaki ilo wāween ko reoktak ippen armej ro reoktak, ak jemaron̄ kappukot tōl eo an Irooj ilo ad keipaake kālet ko ad make bwe jen maron̄ epaakeļo̧k Anij.
Juon Jon̄o̧k Ejipan̄
Būreejtōn Russell M. Nelson ekar kōmeļeļeik wāween an keipaake kālet ko an kōn kokwojarjar im kōjparok raan in Jabōt.
“Raan in Jabōt:Iaar katak jān jeje ko rekwojarjar bwe aō makūtkūt im aō m̧wil ilo Jabōt raar kwaļo̧k juon kōkaļļe ikōtaaō im Jema Ilan̄. Kōn meļeļe in, ijjab aikuj laajrak in men ko ij kōm̧m̧ani im jab kōm̧m̧ani. N̄e ij tin kōm̧m̧ane kālet eo aō n̄an kōm̧m̧ane juon makūtkūt ilo raan in Jabōt, ij kajjitōkin eō make, ‘Ta kōkaļļe eo ikōņaan bwe in leļo̧k n̄an Anij?’ Kajjitōk eo ekar kalikkar kālet ko aō kōn raan in Jabōt” (Apr. 2015 general conference [Ensign ak Liahona, May 2015, 130]).
Wāween eo Būreejtōn Nelson ekar keipaake kajjitōk in emaron̄ kwaļo̧k n̄an kōj juon jon̄o̧k n̄an aolep kōn kōm̧m̧ani kālet ko kōn kien ko im unin tōl ko. En̄in ej juon wāween komaron̄ kwaļo̧ke:
Komaron̄ ļoor jon̄o̧k in ippān jabdewōt kien ak unin tōl— Naan in Mālōtlōt, kein kalimomo im alooj ko, al, mour erreo, im aet bar juon m̧ōttan jon̄oul. Ebōk jet jerbal, ak eļap tokjen.
Ilo am̧ ekkatak men kein, komaron̄ riiti ta eo jeje ko rekwojarjar im rikanaan ro raan kein rej ba kōn, kejokļo̧kijeņ, im jar n̄an Jemedwōj Ilan̄. Jetōb Kwojarjar emaron̄ jipan̄ eok im im̧we eok n̄an kōm̧m̧ani kālet ko rem̧m̧an.
Akō Kālet ko an ro Jet?
Kile bwe Būreejtōn Nelson ekar jab ba n̄an kōj kōn alikkar in kālet ko ekar kōm̧m̧ani kōn raan in Jabōt. Ekar kwaļo̧k n̄an kōj wāween ad maron̄ kōm̧m̧ane kālet ko ad make. Kwomaron̄ kōm̧m̧ane elōn̄ iaan ejja kālet ko ekar kōm̧m̧ani. Ak lukkuun un eo aorōktata ej n̄an kajjeon̄ epaakeļo̧k Jemedwōj Ilan̄ im Jisōs Kraist ilo kālet ko ad.
Eļan̄n̄e kwoj loe an bar juon armej ilo Kabun̄ in jab kōm̧mane aolep men ilo wāween am̧ kōm̧m̧ane, kojjab aikuj inepata n̄an kajjim̧we er. Āinwōt an Reyna I. Aburto, kar Rikakpilōklōk eo Kein Karuo ilo Būreejtōnji eo an Doulul eo Eļap an Kōrā, “Jen ļoor iaļ eo an Rilo̧mo̧o̧r im kōļapļo̧k ad meanwōd, kadikļo̧k ad m̧ōkaj n̄an ekajet, im bōjrak ad rietale ro in mour in jetōb ko an ro jet” (Okt. 2019 kweilo̧k eo eļap [Ensign ak Liaona, Nob. 2019, 58]).
Kwomaron̄ kaorōk peded in katak ko reaorōk kar katakin jān rikanaan ro. Kwwomaron̄ jitōn̄ļo̧k ro jet n̄an Rilo̧mo̧o̧r, iakwe eo An, Meanwōd eo An, im kien ko An. Komaron̄ riiti N̄an Kōkajoorļo̧k Jodrikdrik ro unin tōl eo. Kwomaron̄ kajjeon̄ mour juon mour etiljek āinwōt juon rikaļooran Jisōs Kraist, erom̧ juon waanjon̄o̧k em̧m̧an im kwaļo̧k en̄jake ko am̧ ilo jetōb.
Eļan̄n̄e konaaj mijeļo̧k iakwe eo an Anij im iakwe ro jet, konaaj bōk tōl n̄an kōm̧m̧ane kālet ko me remaron̄ jipan̄ eok kōm̧m̧an bwe kwe im ro jet ren m̧ōņōņō.