“Aenōm̧m̧an n̄an Jelm̧aik Ļan̄ ko an Mour in,” N̄an Kōkajoorļo̧k Jodrikdrik Ro, M̧aaj 2023.
Aenōm̧man n̄an Jelm̧aik Ļan̄ ko an Mour in
Irooj Jisōs Kraist ej ba n̄an eok ilo iien ko ļan̄ ko rej waļo̧k ilo mour eo am̧: “Kwōn jab m̧akūtkūt, kwōn lur.”
Elder Uchtdorf ippān rūm̧m̧anded ro ilo kar iien kōjjeļā eo kōn BYU–Pathway Worldwide ilo Pepode 7, 2017.
Ālikin juon likieo in raan in katakin iparijet, Irooj Jisōs Kraist ekar leļo̧k elmakot n̄an Rikaļoor ro an bwe ren kijoone lom̧aļo̧ eo n̄an ijo iturājet in Lom̧aļo in Galilee. Ālikin aer kar jerak, Jisōs ekar loe juon jikin n̄an kakkije ioon wa eo im ekar kiki.
Ejjab to ekar jino marok tok lan̄, “im e bun̄ n̄at, im ņo ko rej juur ioon wa eo, innām elōn̄.” (lale Mark 4:37).
Elōn̄ iaan rikaļoor ro an Jisōs rekar jet ro rejeļā en̄ōd im rekar jeļā wāween ejerakrōk. Ak ļan̄ eo ekar kamijak, im rekar jino leln̄o̧n̄. Wa eo ekar āinwōt ke m̧ōttan jidik enkar rūm̧ļo̧k.
Iļo aolepen iien eo, Jisōs ekar kiki wōt.
Jejjab jeļā eo aitokin an rikaļoor ro en̄taan ilo ļ̄an̄ eo, ak āliktata rekar jab bar maron̄ kōttar jidik. Rekar karūji Jisōs im jan̄ “Maajta, kwoj jab ļōmņak kōn am jako ke?” (Mark 4:38).
Kōmeļeļe ko jān Adam Howling
Ļan̄ ko an Mour in
Aoleped jej ioon ļan̄ ko rejidimkij ilo mour in. Komaron̄ kalimjōk joreen ko ipeļaakin laļ in ak jekjek ko am̧ make im en̄jake en̄taan, m̧ōjņo̧, im inepata. Būruom̧ emaron̄ rub kōn kwe make ak kōn juon eo kwoj iakwe. Komaron̄ inepata ak mijak im en̄jake bwe kōjadikdik em̧ōj an jako jān eō n̄an indeeo.
Ilo iien rōt in, komaron̄ jan̄ āinwōt rikaļoor ro an Jisōs, “Maajta, kwoj jab ļōmņak kōn aō jako ke?”
Ke ikar jon̄an kane ami, juon iaan al in jar ko rem̧m̧an ippa ej “Master, the Tempest Is Raging.”1 Ikōn pijaikiļo̧k eō make ilo wa eo ke “ņo ko [rekar] juur ioon wa eo!” M̧ōttan eo aorōktata im aiboojoj in al eo ej ļoor: “Kōto im ņo renaaj pokake ankilaan: Kwōn jab M̧akūtkūt, Kwōn Lur.” Innem ej itok enaan eo aorōk: Ejeļo̧k dren renaaj waron̄ļo̧k tima eo epād Maajta in lojet im laļ im lan̄.”
Ālkin an rikaļoor ro An jan̄ kōn jipan̄, Jisōs “ekar jerkak, im kauwe kōto im ba n̄an lom̧aļo̧, Aenōm̧m̧an, jab m̧akūtkūt. Im kōto e jako, im eļap lur” (Mark 4:39
Eļan̄n̄e konaaj karuwaineneik Jisōs Kraist, “Irooj in Aenōm̧m̧an” (Aiseia 9:6), n̄an wa eo waam̧, konaaj lo aenōm̧m̧an ibwiljin lan̄ ko raer im rekamijak me rej ero̧o̧lol itulowaam̧ ak ipeļaakūm̧
Ejja naan ko wōt Jisōs ekar ba n̄an Lom̧aļo̧ in Galilee ilo bon̄ in ļan̄ eo bon̄ ko rem̧ootļo̧k, E ej ba n̄an eok ilo iien ļan̄ ko ilo mour eo am̧: “Aenōm̧m̧an, jab m̧akūtkūt.”
Pedped ioon Kajoor in Kalūr eo An
Kwomaron̄ ke pijaikiļo̧k wāween an rikaļoor ro kar en̄jake ke rekar loe an kōto eo, wōt eo, im lo̧jet pokake kakien eo an Masta eo aer? Men eo de eo remaron̄ kar ba kar, “Wōn armej in bwe kōto im lo̧jet rej pokake E?” (Mark 4:41).
Jisōs Kraist eoktak jān aolep ro rekar pād ioon laļ in. Ekar itok n̄an kōjparok kōj. Ilo Jikin Kallūb Getsemane, E ekar kōļļāiki wōņeen aolep ad jerawiwi. E ekar barāinwōt en̄taan kōn aolep ad metak im būrom̧ōj. En̄taan in eļap im ejjelo̧k jem̧ļo̧kin ekar kōm̧m̧an menin an toor bōtōktōk jān aolep ron̄ ko ilo Ānbwinin (lale Luk 22:44; Katak im Bujen Ko 19:18).
Ta eo Irooj ekar kōm̧m̧ane kōn iakwe ewāppen me eļļā jān jon̄an maron̄ eo aō n̄an meļeļe. Ak ijeļā ke E ekar kōm̧m̧ane n̄an eō, n̄an kwe, im aolep jetōb ko rekar mour ak renaaj mour. E ekar leļo̧k aolepen bwe jen maron̄ bōk aolep.
Ejjeļo̧k juon enaaj ioone ta eo Jisōs ekar en̄taan kake, ak kwe im n̄a enaaj wōr arro make ļan̄ ko remarok im meo n̄an jelm̧ae. Eļan̄n̄e kom̧ naaj lōn̄aj buruōmi n̄an Irooj, E enaaj kalur lan̄ ko ami, kōnke E em̧ōj an kar ioone aolep men kein. E ekar en̄taan ilo kālet eo an make n̄an eok im ewōr an kajoor n̄an kōkajoor, rojan̄ im kōjeram̧m̧an eok.
E ekar kallim̧ur, “Aenōm̧m̧an Ij likūt ņa ippemi, Aō aenōm̧m̧an Ij lewōj n̄an kom̧. N̄an Ij lewōj n̄an kom̧, jab āinwōt an laļ lewōj. En jab pok būruemi, im en jab lōļn̄o̧n̄” (Jon 14: 27
Wāween ko n̄an Aenōm̧m̧an
Irooj Jisōs Kraist em̧ōj an lewaj n̄an eok wāween ko n̄an en̄jake aenōm̧m̧an eo An. Ekar ba, “Katak kōn n̄a, im ron̄jake naan ko Aō. Jej aikuj etetal ilo ettā jān Jetōb eo An, im enaaj wōr ippād aenōm̧m̧an ilo E” (Katak im Bujen Ko 19:23).
Ekkatak kōn E ilo am̧ ekkatak kōn mour eo An im katak ko an ilo jeje ko rekwojarjar. Lōn̄aj jetōb eo am̧ ilo jar. “Jutak … ilo jikin ko rekwojarjar,” ekoba tampeļ ko (Katak im Bujen Ko 87:8; bar lale 45:32).
Ron̄jake naan ko An jān rikanaan ro rej mour. Ļoor tōl eo an Jetōb Kwojarjar. Kōjerbal menin letok eo ekwojarjar in ukweļo̧k. Itok n̄an Kabun̄ in An n̄an jemjerā, katak, im kwojkwoj ioon naan eo em̧man an Anij.
Etetal ilo ettā an Jetōb eo An ilo am̧ kōm̧m̧an bwe m̧weo im̧ōm̧ en juon jikin eo jemaron̄ en̄jake Jetōb eo An ie. Jipan̄ ro jet im lan̄lōn̄ ilo am̧ jerbal n̄an E. Kemeemej, “Ewōr aenōm̧m̧an ilo kōm̧m̧ān em̧m̧an.”2 Kate eok n̄an pād wōt ilo am̧ tilkjek im n̄an erom̧ juon “[rikaļoor] reineem̧m̧an an Kraist” (Moronai 7:3).
Eļan̄n̄e konaaj ekkatak, ron̄jake, im etetal ippān Irooj, innem enaaj itok kallim̧ur eo An eļap: Kwonaaj bōk aenōm̧m̧an eo An.
Tōmak eo n̄an Jab M̧akūtkūt
Kōn tōmak ilo Irooj Jisōs Kraist, kwomaron̄ “jab m̧akūtkūt” n̄e ļan̄ ko an mour in rej itok n̄an ippam̧. Aenōm̧m̧an emaron̄ jab m̧ōkaj an itok āinwōt an kar n̄an rikaļoor ro ilo Lom̧aļo in Galilee, bōtaab Irooj enaaj kōkajoor eok n̄an tōļan̄i ļan̄ ko koj jelm̧ae.
Eo m̧ōtta ejitōnbōro, ij kam̧ool bwe Jisōs Kraist ej mour.
Ej iakwe eok.
Ejeļā kajjeem̧.
Emeļeļe kōn kwe.
E ejjāmin likūt kom̧ atajinemjen ilo iien am̧ aikuj.
Aenōm̧m̧an em̧ool ej itok wōt ilo im kōn E. Aenōm̧m̧an eo An ej n̄an aolep ro renaaj oktakļo̧k n̄an E.