Imaron̄ In Kōm̧m̧an Men Otemjej Ilo Kraist

Jodikdik ro rej kwaļo̧k wāween an Kraist kar kōkajoor er kōm̧m̧ani men ko reppen (lale Philippians 4:13).

Jemaron̄ Ukweļo̧k

Men̄e ikar peptaij ke ej ralitōk aō iiō, ikar jab aolep iien kōm̧m̧ane men ko rejim̧we. Ke ikar juon jodikdik, ikar jinoe aitōltōl ippān juon kumi an ļaddik, im kōm ar jinoe kōm̧m̧ane men ko ikar jeļā ke rekar jab em̧m̧an.

Ālikin an leddik eo jeiū m̧are, ekar jipan̄ n̄an bar jepļaaktok n̄an Kabun̄ in. Ikar katak aorōk eo an Naan in Mālōtlōt im kōjparok ānbwinū.

Juon raan, ikar kōm̧m̧ane juon jerawiwi eļap. Ikar en̄jake bwe Jetōb ekar jab maron̄ pād ippa ak kajoor eo an priesthood eo ippa. Ikar en̄jake an ejjeļo̧k tokja im ļōmņak bwe ekar ejjeļo̧k aō maron̄ n̄an kōm̧m̧ane eddo ko aō ilo m̧ōn jar eo, ko āinwōt kōjeram̧m̧an im leto letak kwojkwoj eo.

Ak gospel in ekar katakin n̄a bwe jemaron̄ ukweļo̧k iien otemjej. Ekar pen n̄an aō loļo̧k bishop eo im kwaļo̧k jerawiwi ko aō. Ekar pen n̄an jeļā bwe armej renaaj loe aō etal n̄an opij eo an bisop eo. Ak ikar kōņaan aenōm̧m̧an eo an Irooj, im ikar kōņaan ukweļo̧k.

Bisop eo aō ekar jar ippa im jiron̄ eō bwe Irooj ej tūriam̧o n̄an ro rej kappukot n̄an jeorļo̧k bōd im bwe inaaj maron̄ bar mour jān bōd eo aō. Ikar jinoe riiti jeje ko rekwojarjar im jar, im ekar jipan̄ eō anjo̧ ioon kapo ko.

Eļan̄n̄e jerbal in ukweļo̧k epen n̄an eok, komaron̄ kemeemej iien otemjej menin letok eo an Jisōs Kraist im Pinmuur eo An ekabwilōn̄lōn̄. Aoleped jej jerawiwi im kōm̧m̧an bōd ko, im jeban wāppen ilo mour in. Ak kōn Pinmuur eo an Jisōs Kraist im bōtōktōk in ekar toorļo̧k kōn kōj, jemaron̄ ukweļo̧k iien otemjej. Kōn jipan̄ eo an Rilo̧mo̧o̧r, jemaron̄ wōnm̧aanļo̧k n̄an wāppen.

Kenneth B., Tonga