“Jisōs Kraist: Aenōm̧m̧an ilubwilijin Ļan̄ ko,” N̄an Kōkajoorļo̧k Jodrikdrik ro, M̧aaj. 2023.
Itok, Ļoor Eō
Jesus Christ: Aenōm̧m̧an ilubwilijin Ļan̄ ko
Jet raan, kwomaron̄ en̄jake an ļan̄ ko an mour in bun̄ūt eok. Ak Jisōs Kraist ewōr an kajoor n̄an bōktok aenōm̧m̧an eo me koban loe bar juon jikin.
Aenōm̧m̧an, Jab M̧akūtkūt, jān Yong Sung Kim
Lukonļo̧k iiō eo aō āliktata ilo high school, ikar bōk juon surprise eļap. Ej kab m̧ōj kūr jinō im jema n̄an lale Uruguary Montevideo Mijen, meļeļe bwe kōmij aikuj em̧m̧akūt n̄an ijo rājet in laļin ippān ajri ro jatū reddik emen. Em̧ōj aō kadede kar inepata kōn kadiwōjļo̧k jān high school, ak kiiō ij pojen etal n̄an college make iaaō, ippān baam̧le eo aō ilo juon laļ ekāāl. Ikar leln̄o̧n̄.
Diwōjļo̧k eo aō jān high school n̄an college ekar kanoojin pen n̄an eō. Ekar obrak peļaakū kōn roomate ro aō im taujin rijikuuļ ro, bōtaab ekar ļap aō en̄jake aō ajimakeke. Eddo eo an jikuuļ ekar ļap im kaen̄taanan. Ikar jab jeļā ta eo ikōņaan ekktak kake im lo bwe kūlaaj ko rekar kanoojin pen. Ikar barāinwōt en̄taan ilo en̄jake ilo juon jemjerā, eo ekar ļap an jelōt ājmour eo aō ilo kōļmenļo̧kijeņ. Mijak eo aō kōn ilju im jakļaj ekar joontōk eō.
Ejjab to en̄jake ko aō kōn inepata, mijak, im ajimakeke ekar kōm̧m̧an menin an pen n̄an aō m̧akūtkūt im ļōmņak. Jekdo̧o̧n m̧akūtkūt ko reddik im ekkā kōm̧m̧āni rekar pen. Juon jibbon̄, ikar kajjitōk ippān Jemedwōj Ilan̄ n̄an letok n̄an eō kajoor eo n̄an kajem̧ļo̧k juon raan. “Ijjab maron̄ kōm̧m̧ane menin ippa make,” ikar jar. Ilo juon iien ejeja in en̄taan ilo en̄jake im ļōmņak, ekar itok naan kein n̄an kōļmenļo̧kijeņ eo aō “Kwojjab aikujin.” Aenōm̧m̧an ekar kobrak kōļmenļo̧kijeņ eo aō. Ļan̄ eo ilo kōlmenļo̧kijeņ eo aō ekar lūr.
Allōn̄ ko jet tokālik (im iiō) rekar jab pidodo. En̄jake ko aō kōn inepata im ajimakeke rekar jab kajju jako. Ak ej kab jinointata in, aō meļeļe ilo jon̄an eo an juon armej make ta meļeļein n̄an wōr juon Rilo̧mo̧o̧r. Ikar jeļā bwe E ekar meļeļe apan̄ im metak ko aō. Ikar jeļā bwe ekar E wōt eo emaron̄ jipan̄ eō, im E ekar.
Iiō ko tokālik, ikar juon mijinede eo em̧ōj an mijen, juon eo ekar kadiwōjļo̧k jān college, im juon eo ekar m̧are im ej m̧ōņōņō. Im ijeļā bwe iban kar maron̄ tōpar aolepen kōttōpar kein eļan̄n̄e ikar jab lōke Irooj.
Pija ko jān Getty Image ko
Aenōm̧m̧an, Komwin Jab M̧akūtkūt
Jisōs ekar kiki ioon wa eo ippān Rijilōk ro An ke ekar waļok juon ļan̄. Rijilōk ro an rekar karūji, im ba “Maajta, kwoj jab ļōmņak kōn am jako k?” (Mark 4:38). Ilo iien eo wōt ke rej ļōmņak ke renkar mej ilo ļan̄ eo ekamijak, Irooj ekar jerkak im “kauwe kōto, im ba n̄an lom̧aļo̧, kwon jab m̧akūtkūt, kwōn lur. Im ekar jako an kōtoto, im eļap lur” (Mark 4:39
Jete kattōn ilo mour eo am̧ kwar ļōmņak, “Kwoj jab ļōmņak kōn am jako ke?” Jet iien, n̄e kwoj ioon apan̄ ko reļļap, emaron̄ pidodo n̄an en̄jake am̧ ajimakeke im kar joļo̧k eok. Kwomaron̄ ļōmņak etke Irooj ejan̄in kalūr ļan̄ ko kwoj iooni. Maron̄ loe ke mour eo am̧ ejjāmin tōpar “eļap lur” me eoon 39 ej kōnono kake.
Ijo wōt ke, juon m̧ōttan aorōk jān bwebwenato in ej pedped in katak eo me Rilo̧mo̧o̧r ekar katakin tokālik. E ekar ba: “Etke kom̧ij lōļn̄ōn̄ im āinwōt kom̧ jan̄in tōmak?” (Mark 4:40). Ilo iien eo rekar mjiak im aikuj jipan̄, Rijilōk ro rekar meļo̧kļo̧k wōn eo rekar ped ippān. Nejin Anij, eo ekar kōm̧anm̧an laļ in, ekar kiki ioon wa eo. Etke rekar mijak?
Ejjeļo̧k oktak, Rilo̧mo̧o̧r eo ewōr kajoor ippān n̄an kalūr jabdewōt ļan̄ ilo mour eo am̧. E emaron̄ kōmour metak eo ilo kwe, kadikļo̧k am̧ edodo, im lewaj meram n̄e kwoj ped ilo marok. Ijo koņaam ilo wāween in ej n̄an kōjerbal eļapļo̧k tōmak ilo Jisōs Kraist.
Kappukot Kajoor jān Irooj
Mour kōn juon tōmak eo ej eddōkļo̧k emaron̄ boktok eļapļo̧k kajoor eo an Kraist n̄an mour eo am̧. Ke Razafimalaza jān Madagascar ekar kadedeikļo̧k iiō eo epen ilo jikuuļ, eo nej jinen ekar mej. Ekar rūb buruon. Ekar oktak im lukkuun pen n̄an an ļōmņak ilo jikin jikuuļ. Ekar kōpopo n̄an bōk exam ko āliktata an iiō eo. Ekar jar “Jouj joļo̧k aō būrom̧ōj im letok n̄an eō kajoor n̄an pād ilo exam eo ilju.” Ālkin an jar, Razafimalaza ekar en̄jake an kajoor. “Ikar en̄jake aō meļo̧kļo̧k būrom̧ōj eo ilo n̄a,” ekar ba. “Anij ej letok n̄an eō kajoor n̄an kōm̧m̧ane jabdewōt men”;
Eaorōk n̄an keememej bwe jet iien Irooj ej kalūr ļan̄ ko ilo mour eo am̧, im jet iien ijjeļo̧kin ej kalūr im kaenōm̧m̧an eok ilo an ļan̄ ko kajoorļo̧k wōt. N̄e wōr am̧ tōmak ilo E, kwomaron̄ barāinwōt lōke ilo Ankilaan im iien. Kwoj tōmak bwe E enaaj jipan̄ eok, jekdo̧o̧n n̄eet eo am̧ aenōm̧m̧an im lūr enaaj itok.
Lōke ilo Iien eo An
Juon jiron̄ etan Ann jeļā kake āinwōt juon eo emijakjak. “Ij jelm̧ae severe anxiety im mild ADHD,” ekar ba. “Jet iien menin ej kōm̧man menin an ro jet jab meļeļe kōn eō, im epen n̄an dāpij juon erreim̧anļok eo indeeo. Jet iien remootļo̧k ikar riit ilo Jenesis kōn Sera, eo ekar kōttar ium̧win elōn̄ epepen ko m̧okta jān an kar kieotak juon ajri. Ikar kile bwe bōlen inaaj aikuj bar kōttar juon iien aitok n̄an aō bar mour. Ijeļā bwe Kraist eban joļo̧k eō n̄e ij ioon inepata. E ej pād jipan̄ eō kake.”
Kālet n̄an lōke Irooj ejjab meļeļein ke kwoj aikuj kajekdoon apan̄ ko reļļap ilo mour eo am̧. Bōtaab, ej meļeļein ke kwoj aikuj “mijeļo̧k em̧m̧an eo eo indeeo, jouj, im kajoor eo an [am̧] Anij, lōke E … kōn juon bōro elan̄lōn̄.”1 N̄e kwoj en̄jake am̧ ajimakeke, būrom̧ōj, inepata, ak kōttar kōjeram̧m̧an ko kar kallim̧ūr kaki, kemeemej kajjitōk in: Kwoj kōtar “juon lūr eļap” kōn juon bōro in mijak ak kōn juon bōro in tōmak?