“Wāween an Kar Rilo̧mo̧o̧r Kōm̧m̧an n̄an Kōrā ro” N̄an Kōkajoorļo̧k Jodikdik ro, Mar. 2023.
Wāween an Rilo̧mo̧o̧r Kōm̧m̧an n̄an Kōrā ro
Jemaron̄ ļoor waanjon̄o̧k eo an Jisōs Kraist in kwaļo̧k jouj im kautiej n̄an kōrā ro ilo mour ko ad.
Kōmeļeļe ko jān Rose Datoc Dall
Ilo Kallim̧ur Ekāāl, Jisōs Kraist ekkā an katakin men ko jejjab kōtmeni. (Āinwōt in: jej aikuj iakwe rikōjdrat ro ad im jar kōn ro rej ko̧kkure kōj?1)
Jet iaan katak ko rej ekkeijļo̧k ippān wāween mour ko iien ko. Bōtaab Rilo̧mo̧o̧r ekar jab kajjeon̄ koņ an pād ippāer. Ekar kajjieon̄ n̄an katakin juon kien eutiejļo̧k im kwaļo̧k wāween aer lale im kōm̧m̧an n̄an doon. Ekar kwaļo̧k juon waanjoņo̧k kōn iakwe eo me ejjab n̄an wōt jejjōt in jon̄an an armej iiō, leddik ak ļaddik, ak laļ ta.
Ilo iien ko an Jisōs, kōrā ro rekar ekkā aer kōm̧m̧an n̄an er āinwōt jet ro rettā. Im ilo jet m̧anit rainin, ejjab ekkā aer jab kautiej er. Bōlen kwoj jokwe ilo juon jikin āinwōt in. Eļan̄n̄e men eo in, komaron̄ kōm̧m̧ane juon waanjon̄o̧k in mour āinwōt Kraist n̄an jukjuk in ped eo am̧ ilo am̧ jouj im kautiej aolep armej—leddik ro im kōrā ro ilo mour eo am̧.
Jisōs Ekar Kea kōn Jinen
Kabwilōn̄lōn̄ eo kein kajuon ilo lo̧bwilej an Jisōs Kraist ekar jipan̄ Jinen. Jinen kar an eddo n̄an jipan̄ naajdrik armej ro ilo juon m̧are. Ke ekar maat drenin draak, Jisōs ekar ukot dren n̄an wain bwe en bwe n̄an aolep rilotok ro.
Naan eo an Jisōs ilo an kar uwaake Jinen ilo naan ko an emaron̄ eddo n̄an lo̧jiln̄i armej in raan kein: “Kōrā, etke kwōj kajjitōk Ippa kōn men eo?” (Jon 2:4). Ak Josep Smith ekar kalikkar ta eo Jisōs ekar kajjitōk ippān Jinen ta eo ekar aikuji: “Kōrā en, kōnnaanōk eō men eo kwōn kōṃṃane?”2. Im ān̄inn̄in juon armej “kōrā” iien ko ekar juon taitōļ in kautiej. E ekar kaorōk ilo an ba “Aō kōrā, jabdewōt kwoj kajjitōk ippa ilo tōmak, inaaj lewaj n̄an eok.”3
Kōm̧ōkaj m̧aanļo̧k ekepaak jilu iiō ko. M̧okta jān An kar mej ilo debwāāl eo, juon iaan men ko āliktata Jisōs ekar kōm̧m̧ane ekar lukkuun lale bwe Jinen en pād ilo kōjparok.
“E ba ñan jinen, “Kōrā, lo, nejiṃ! “Im E ba n̄an rū kaļoran eo, Lo jinōm̧! Im jān awa eo rū kaļoran ej bōk lio n̄an jikin” (Jon 19:26–27).
Jisōs Ej Kautiej Kōrā ro Rej Kaarmejete Er
Ewōr diktata ruo waanjon̄ak ko in an Rilo̧mo̧o̧r kōm̧m̧an n̄an kōrā ro ilo kautiej ro rekar penjak ippān armej.
Ilo iien ko an Rilo̧mo̧o̧r, eiten aolep ri Jew ro rekar drike armej in ri Samaria ro. Ak ke Jisōs Kraist ekar ioone juon kōrā in Samaria ilo aibōjlaļ eo, E ekar kōm̧m̧an n̄an e ilo meanwōd im kautiej. Eļapļo̧k jān men eo, ke Ekar ekōnono ippān ekar m̧okta kwaļo̧k kajjeen E make ke Ej Rilo̧mo̧o̧r kar kallim̧ūr kake!4 (Lale Jon 4.)
Ilo bar juon jekjek, juon kōrā kar jibwe an kōm̧m̧ane juon jerawiwi eļap. Ekkar n̄an kien eo an ri Jew ro, lkar aikuj kade e lio kōn dekā n̄ane emej. Ke ritōl ro rekar bōktok kōrā in n̄an ippān Rilo̧mo̧o̧r eo, E ekar kajjitōk ippāer juon kajjitōk me ekar kōm̧m̧an menin aer bōjrak im ļōmņak. Rekar jab kade kōn dekā. Innem Rilo̧mo̧o̧r ekar kajjitōk bwe en ukweļo̧k, “Kwōn ilo̧k im jab bar jero̧wiwi” (Jon 8:11).
Jisōs Ekar Waļo̧k n̄an Kōrā ro ālikin Jerkakpeje eo An
Ālkin an Jisōs kar jerkakpeje, E ekar m̧oktata loļo̧k Mary Magdalene, eo ekar jan̄ ilo lōb eo An (lale Jon 20:11–18). Kōrā ro jet—Joanna, im barāinwōt Mary eo jinen Jemes—ekar m̧ōttan ro rekar jeļā m̧oktata kōn Irooj eo ejerkakepeje. Enjeļ ro rekar karuwaineneik er n̄an kwaļo̧k aer naan in kam̧ool kōn ta eo rekar loe. (Lale Luk 24:1–10.)
Jemaron̄ Ļoor Waanjon̄o̧k eo An
Ta eo jemaron̄ kōm̧m̧ane n̄an ļoor waanjon̄ak eo an Rilo̧mo̧o̧r n̄an kautiej kōrā ro?
Rikanaan eo ad, Būreejtōn Russell M. Nelson, ewōr waanjon̄o̧k ko rellōn̄ an ilo menin. Ekar kajiririik im karrūttoļo̧k ruatimjuon nejin leddik im juon nejin ļaddik im eo karejeran Dantzel. Ālkin an kar mej, ekar m̧arreiki Wendy Nelson.
“Jej kautiej kōrā ro—ejjab ilo wōt baam̧le ko ad ak aolep kōrā ro ilo mour ko ad” ekar katakin.5
Jen kōm̧m̧an bwe allōn̄ in en juon iien peran, iakwe āinwōt Kraist im jouj n̄an kōrā ro ilo mour ko ad. Ebwe am̧ kajoor n̄an ukōt laļ in, juon jemjerā illak juon!