2023
Ekōjkan an maron̄ em̧m̧anļo̧k aō jipan̄ ro m̧ōtta me rejjab niknik ilo Kabun̄ in n̄an kōkajoorļo̧k naan in kam̧ool ko aer?
M̧aaj 2023

“Ekōjkan aō maron̄ jipan̄ ro m̧ōtta me rejjab niknik ilo Kabun̄ in n̄an kōkajoorļo̧k naan in kam̧ool ko aer?,” N̄an Kōkajoorļo̧k Jodikdik ro M̧aaj 2023.

Kajjitōk ko im Uwaak ko

“Ekōjkan aō maron̄ jipan̄ ro m̧ōtta me rejjab niknik ilo Kabun̄ in n̄an kōkajoorļo̧k naan in kam̧ool ko aer?”

Erom̧ juon Kōjeram̧m̧an n̄an ro Jet

juon jiron̄

“N̄e ij kajjeon̄ jipan̄ juon m̧ōtta n̄an kōkajoorļo̧k naan in kam̧ool eo an make, ij kajjeon̄ n̄an erom̧ juon kōjeram̧m̧an im jipan̄ ilo mour eo an. Ij kajjeon̄ erom̧ juon waanjon̄o̧k im kwalo̧k n̄an e bwe gospel in an Kraist emaron̄ kōkajoorļo̧k jemjerā ko an ippān ro m̧ōttan im baam̧le eo an eļan̄n̄e ej kate n̄an pokake im mour jim̧we. Em̧m̧an ippa jipan̄ e en̄jake iakwe.”

Selina O., 19, Bolivia

Kaurwainene Aolep Iien

“Komaron̄ katakin ro m̧ōttam̧ kōn iakwe im tūriam̧o an Jisōs Kraist im wāween An maron̄ jipan̄ er. Karuwaieneneik er tok n̄an jar im kobaļo̧k n̄an kilaaj ko an jodikdik ippem. Menin emaron̄ jipan̄ er ejaake juon naan in kam̧ool ekajoor kōn Jisōs Kraist.

Shara R., 12, Colombia

M̧ōttāiki Er M̧oktata

juon jiron̄

“Aolep iien ij kajjeon̄ lukkuun leļo̧k aō im kōm̧m̧an bwe ro m̧ōtta ren jeļā bwe ij ļōmņak kake er. Ijeļā bwe imaron̄ juon meram eo n̄an er ilo aō dābij jemjerā eo am̧ im iakwe. Imaron̄ karuwaineneiktok ro m̧ōtta n̄an m̧akūtkūt ko an Kabun̄ in, ak ij m̧ōttāiki ilo m̧ool m̧oktata. Ro m̧ōttam renaaj kōkajoorļo̧k naan in kam̧ool ko aer ilo aer loe waanjon̄o̧k ilo iakwe im juon eo ej rie ro m̧ōttan.

Mia D., 19, Florida, USA

Kraist Enaaj Jipan̄ Eok

“Emaron̄ pen n̄e ej wōr m̧ōttad ro rej jab niknik ilo kabun̄ in, ak em̧m̧an ippa karuwaineneik ro m̧ōtta n̄an juon m̧akūtkūt an jodikdik ak n̄an jar n̄e ij kwaļo̧k naan. Eļan̄n̄e rej kwaļo̧k aer kōņaan, ij lelo̧k n̄an er juon Bok in Mormon ippān naan in kam̧ool eo aō im eoon ko ikar kōmeeji im kalikkari me rekar jikrōk tok ippa. Kemeemej, Kraist enaaj jipan̄ eok ilo jabdewōt jekjek ko.”

Elizabeth B., 15, Florida, USA

Kon Jouj Wōt

juon likao

“Ikar kajjitōk ippān rūkaki in jemenere eo aō kajjitōk in. Ekar ba, ‘Kwon jouj wōt, Jordan. Em̧ōj am̧ jinoe kōm̧m̧ane juon men eo ejim̧we.’ Ilo m̧ool, ikar ļōmņak, ‘Jouj wōt ejjab bwe.’ Ak tokālik ikar ļōmņak kōn eo m̧ōtta eo ekar aikuji jemjerā im waanjon̄o̧k eo aō. Jetōb ekar jipan̄ eō n̄an jouj im jeļā ta eo n̄an ba. Kiiō, ekōņaan peptaij juon iien!”

Jordan S., 17, Utah, USA