“Ro m̧ōtta rej gamble. Ijela ke ebōd. “Ewi wāween aō kōmeļeļeik er?,” N̄an Kōkajoorļo̧k Jodikdik ro, M̧aaj 2023.
N̄an Un eo
Ro m̧ōtta rej gamble. Ijela ke ebōd. Ewi wāween aō kōmeļeļeik er?
Gambling meļeļein ko̧kkure jāān kōn ikkure ko ak bet kōn ta eo enaaj waļo̧k jān men ko. “Kabun̄ in ej jum̧ae im kapilōk ņae kāām̧bōļ ilo jabdewōt jekjek. Menin ekoba jikin bet ko an sport im lotteries ko an kien” (Bok in Bōk Meļeļe ko: Serving in The Church of Jesus Christ of Latter-day Saints, 38.8.17, ChurchofJesusChrist.org).
Jej bōbrae kōj jān kāām̧bōļ kōn elōn̄ un ko. Ejjab kōnke ej ko̧kkure iien im jāān, ak emaron̄ bar ko̧kkure mour ko an armej. Emaron̄ juon men eo eļap am̧ ļōmņake, em̧ool juon an̄ūrlep.
Barāinwōt, kāām̧bōļ ej katakin bwe komaron̄ bōk juon men kōn ejjeļo̧k. Menin ekauwōtata im ej juon ļōmņak eriab. Wiin ilo kāām̧bōļ ejjab m̧ool im jab aikuj pedped ioon. Jeram̧m̧an ko kwar kate eok n̄an bōki eļapļo̧k an em̧m̧an, komaron pedped iooer, im eto aer ped.
Eļan̄n̄e ewōr m̧ōtta ro rej kāām̧bōļ, kwomaron kajjeon̄ jipan̄ er. Kwomaron̄ ba n̄an er—im, eļapļo̧k an aorōk, kwaļo̧k n̄an er—bwe ewōr jekjek ko rem̧m̧anļo̧k n̄an kōjerbal iien im jāān ko am̧. Kwomaron̄ kwaļo̧k n̄an er bwe mour in ej em̧m̧anļo̧k n̄e kojjab kakkure jāān ko am̧ im ājmour eo am̧ ilo iminene eo me ej inepata im būrom̧ōj n̄an elōn̄ armej.