O Mai ia te Ia

Ua valaaulia i tatou e le Faaola e tuu atu a tatou avega i Ona luga.

O Mai ia te a’u

E mafai ona tatou o mai i le Faaola e ala i le aoaoina o Lana talalelei, mauaina o le faatuatua ia te Ia, salamo, osia ma tausia feagaiga, ma mulimuli i Lana faataitaiga.

galuega … avega mamafa

O galuega faaletino ma avega faaletino e mafai ona faavaivaia ai i tatou, ae e mafai foi ona faavaivaia i tatou e avega faalemafaufau, faalelagona, ma faaleagaga. Ua ofo mai e le Faaola ia i tatou Lona filemu, e tusa lava po o a ituaiga o avega tatou te tauaveina.

amo

O se amo o se meafaigaluega mo le taofia faatasi o manu e lua ina ia mafai ai ona la toso faatasi se avega, e pei o se palau po o se taavale solofanua. O le amo e masani lava ona i ai se laau faalava e faataatia i luga o le tauau o manu taitasi, e tausoa ai le mamafa.

aoao

E mafai ona tatou aoao e uiga ia Iesu Keriso e ala i le suesueina o Ana aoaoga ma Ana faataitaiga—ma e ala i le taumafai e mulimuli ai.

malolo

O le malologa o le Faaola o Lona filemu lea, lea e faatoafilemuina ai o tatou mafaufau ma agaga. E fesoasoani o Ia ia i tatou e faatoilalo popolega faalelalolagi ma tuuina mai ia i tatou le malosi faaleagaga pe a tatou lagona le vaivai.

faigofie … māmā

O le amoina o le amo a le Faaola i o tatou luga o lona uiga o le noatia lea o i tatou lava ia te Ia e ala i feagaiga. O lona uiga o le tuuina atu o o tatou loto ia te Ia ma Lana galuega. A tatou faia lenei mea, e lagona le māmā i a tatou avega ona o loo Ia fesoasoani mai ia i tatou.