Sandei Aftenun Sesen
!Tingting Selestial!
Samfala Pat
Mi bin lanem se plan blong Papa long Heven blong yumi i gud tumasmo we wanem yumi mekem long laef ia i impoten, mo we Atonmen blong Sevya i wanem we i mekem se plan blong Papa blong yumi i save hapen. …
Tedei, blong sapotem yu blong kwalifae from ol rij blesing we Papa long Heven i gat blong yu, mi invaetem yu blong adoptem praktis ia blong “!tingting selestial”! …
So, ol dia brata mo sista blong mi, ?hao mo wea mo wetem huia nao yu wantem blong stap wetem blong oltaem? Yu nao yu jusum.
Taem yu mekem ol joes, mi invaetem yu blong tekem wan longfala lukluk—wan lukluk we i no save finis. Putum Jisas Kraes fastaem, from laef blong yu we i no save finis i dipen long fet blong yu long Hem mo long Atonmen blong Hem. I dipen tu long fasin blong yu blong stap obei long ol loa blong Hem. …
Taem yu stap lukluk moa blong tingting selestial, i gud blong rere tu blong fesem fasin blong stap agens. …
Taem yu tingting selestial, sloslo bae hat blong yu i jenis. Bae yu wantem blong prea moa oltaem mo wetem tru hat. …
Taem yu tingting selestial, bae yu luk se yu stap longwe long eni samting we i traem blong karemaot fridom blong yu. …
Tingting selestial, bae i helpem yu tu blong obei loa blong jastiti. …
Taem yu tingting selestial, bae yu luk ol hadtaem mo fasin blong agens long wan niu wei. …
Taem yu tingting selestial, bae fet blong yu i kam antap. …
Blong stap pem taeting, i nidim fet mo tu i bildim fet long God mo Pikinini blong Hem we Hem i Lavem tumas.
Stap jusum blong laef long wan klin laef insaed long wol blong seks mo politik, i bildimap fet.
Stap spendem moa taem long tempol i bildimap fet.