Wan We I Lusum Rod mo Rod We I Lid I Gobak Hom
Samfala Pat
Kambak blong Yang Boe we I Lusum Rod, i kam long Richard Burde
?Huia long yumi i no bin aot long rod blong tabu fasin, i stap tingting se yumi save faenem moa glad blong mekem samting folem tingting blong yumiwan?
?Huia long yumi i filim se i no putum hem daon, hat we i brok, mo wantem blong askem fogiv mo sore?
Ating sam long yumi i stap tingting, “Hem ia i posibol blong gobak? ?Ol fren blong mi blong bifo oltaem bae oli tokbaot, no laekem mo no toktok long mi? ?I moa gud blong stap lus nomo? ?Wanem nao bae God i mekem sapos mi traem blong gobak long Hem?
Parabol ia [blong yang boe we i lusum rod] i givim yumi ansa.
Papa blong yumi long Heven bae i ron i kam long yumi, hat blong Hem i fulap wetem lav mo sore. …
Heven bae i glad taem yumi gobak. …
Samtaem ol joes we yu mekem i tekem yu i go longwe long Sevya mo Jos blong Hem, Sevya i stanap long rod we i lid i go hom, i welkamem yu. Olsem ol memba blong Jos Ia blong Jisas Kraes blong Ol Lata-dei Sent, mifala i lukaotem blong folem eksampol blong Hem mo biliv se yumi evriwan i ol brata mo sista. Mifala i glad mo selebret wetem yu. …
Mi no priten se blong kambak i wan isi samting blong mekem. Mi save testifae long hemia. Ating bae hem i wan had joes we bae yu mekem.
Mi talem witnes blong mi se long taem we bae yu jusum blong kambak mo wokbaot long wei blong Sevya mo Ridima blong yumi, paoa blong Hem bae i kam long laef blong yu mo jenisim yu.