Gat Wan Lukluk We I No Save Finis long Famli blong God
Samfala Pat
? I posibol blong stat blong luk olsem God i lukluk, nomata we yumi laef long wol ia—mo filim naesfala filing blong lukluk ia? Mi biliv se yumi save kamaot, lukluk tru long ae blong fet, luk yumi mo ol famli blong yumi wetem hop mo glad. …
… From Kraes, evri samting i wokaot. Evri samting we yu mo yu mo yu i wari long hem—!bae evri samting ia i ORAET! Mo olgeta we oli luk wetem wan ae blong fet oli save filim se bae evri samting i oraet blong naoia. …
Samtaem, wanem yumi nidim hem i blong sore moa bitim blong givim advaes; lisin moa bitim blong toktok plante. …
Letem yumi lukluk long famli rilesensip olsem wan strong trak blong tijim yumi ol lesen we yumi kam long ples ia blong lanem taem yumi tanem yumi i go long Sevya.
Yumi luksave, long wan wol we i nogud, se bae i neva gat wan hasban o waef, wan papa o mama, boe o gel, apu pikinini, tija, o fren we i stret evriwan—be i gat wan milian wei blong stap wan we i gud. …
Long ol las dei ia, ating bigfala wok blong yumi bae hem i wetem olgeta we yumi lavem—ol gudfala pipol we oli stap long wan wol we i nogud. Hop blong yumi i jenisim ol wei we oli luk olgetawan mo huia olgeta stret. Mo tru long glas ia blong lav bae oli luk oli kam olsem huia. …
Mo from se yumi ol pikinini blong kavenan, !yumi save askem filing blong hop ia naoia! …
Lav i wan samting we i jenisim ol hat. Hem i risen ia nao from i klin gud bitim evri samting, mo ol narafala man oli save filim. … !I tru, olgeta we oli gat lav we i bigwan mo i longfala, oli win! …
?Yu mo mi? !Yumi save mekem! !Yumi hang long hem mo hop long hem!