I Stap long Rod blong Stret Wok
Samfala Pat
Mi glad tumas long ol milian memba blong Jos we tedei oli stap kam long Sevya mo stap gogohed strong long rod blong kavenan. … Strong fet blong yufala long Papa long Heven mo Lod, Jisas Kraes mo ol tru tabu fasin blong laef blong yufala i givim insperesen long mi blong kam wan moa gud man mo disaepol.
Mi lavem yufala. Mi glad from yufala. Mi talem tangkyu long yufala. Mo mi kea long yufala.
Wan toktok insaed long Buk blong Momon we i kam long Samuel, wan Man blong Leman, we i talem sot mo i tokbaot gud evri filing blong mi abaot yufala.
“Mo mi wantem se yufala i luk se bigfala pat blong olgeta i stap long rod blong stret wok … mo oli no taed blong traehad oltaem, blong save tekem ol narafala brata blong olgeta we oli stap, blong kam long save blong trutok.” [Hileman 15:5–6; oli ademap long italik]. …
Yu lavem mo givim seves, lisin mo lanem samting, kea mo givim kamfot, mo tij mo testifae tru long paoa blong Tabu Spirit. Yu livim kakae mo prea plante taem, kam moa strong mo moa strong long fasin blong putum tingting i stap daon, mo gro blong kam moa strong mo moa strong long fet blong Kraes, mekem se oli fulumap sol blong [yu] wetem glad mo fasin blong leftemap tingting blong harem gud bakegen, hem i mekem se hat blong [yu] i kam klin mo tabu, we fasin blong mekem i kam tabu i kam from we yu givim hat blong yu long God” [Hileman 3:35].
Long yu we yu stap gogohed strong long rod blong stret wok, oli paoa blong Jos blong Sevya we i bin kambak. Mo olsem we Lod i promesem, “evri jea blong king mo ples we hem i rul, ol ples blong prins i rul mo ol paoa, bae mi soemaot mo givim long olgeta evriwan we oli bin stap strong wetem strong tingting from gospel blong Jisas Kraes” [Doktrin mo ol kavenan 121:29].