Ol Kwaet Toktok blong Spirit
Samfala Pat
Lod i invaetem yumi blong lukaotem wetem strong tingting ol nambawan presen, iven ol presen long saed blong spirit. Hem i givim ol presen long saed blong spirit blong blesem yumi mo blong yusum blong blesem ol narawan. …
Blong stap praktisim ol presen long saed blong spirit i nidim eksasaes long saed blong spirit. …
Kampani blong Tabu Spirit we i stap oltaem i wan long ol bigfala presen long saed blong spirit we ol Lata-dei Sent oli stap glad long hem. …
Letem mi givimaot fofala prinsipol we maet i save helpem yu blong stap invaetem mo luksave ol kwaet toktok blong Spirit.
Faswan i blong stanap long ol tabu ples. …
Nambatu, stanap wetem ol tabu pipol. …
Nambatri, testifae abaot ol tabu trutok oltaem olsem we yu save mekem. …
Las prinsipol hem i blong lisin long Tabu Spirit. …
Taem yu tingting long ol prinsipol ia blong invaetem mo luksave Spirit, tingting long ol toktok ia blong kasem proteksen tru long spirit.
Kasem konfemesen tru ol filing mo tingting long saed blong spirit.…
Mekem sua se ol filing we yu kasem oli semmak wetem wok blong yu.…
Yumi no save fosem ol samting long saed blong spirit.…
Yusum bes jajmen blong yuwan.…
Mi klos wetem wan invitesen !speseli blong evri yut! Plante long yufala i statem dei blong yufala taem yufala i stanap long fored blong wan mira [klas]. Sapos hem i tumoro, wik ia, yia ia, oltaem, yu stop smol taem mo yu lukluk yuwan long mira. Tingting long yuwan, o talem laod sapos yu wantem, “!Wao, traem luk mi! !Mi mi gud tumas! !Mi wan pikinini blong God! !Hem i save mi! !Hem i lavem mi! Mi mi kasem presen ia—!blong gat Tabu Spirit olsem fren blong mi blong oltaem!”