Jisas Kraes I Tresa Ia
Samfala Pat
Antap long Evri Samting, i kam long Kelsy mo Jesse Lightweave
Profet Jekob long Buk blong Momon i tokbaot wanem man i luk o i ting nating long wanem i stap kolosap olsem “lukluk i go ova long mak” [Jekob 4:14]. …
… Yumi nid blong lukaotgud mo no mestem Jisas Kraes long laef blong yumi mo no luksave ol blesing we Hem i givim long yumi. Yumi nidim Hem. … Sapos yumi stap tingting se i gat wan nid blong samting we i moa long wanem Hem i stap givim, yumi stap tanem baksaed o putum daon stret samting mo paoa Hem i save givim long laef blong yumi. … Jisas Kraes i tresa blong yumi.
Sevya i givim long yumi plante wei blong lukluk nomo long hem, wetem tingting blong gat janis blong save sakem sin evri dei. Samtaem, yumi tingdaon long hamas bigfala blesing ia i save mekem long yumi. …
Ol blesing blong sakramen oli stap oltaem taem yumi atendem sakramen miting. … Tabu Spirit i blesem yumi wetem paoa blong Hem blong mekem yumi kam tabu blong mekem se oltaem, yumi holemtaet fasin ia blog stap klin aot long sin, evri wik. …
Taem yumi gat Tabu Spirit wetem yumi, bae yumi kasem insperesen mo lidim yumi mekem mo kipim ol nara kavenan, olsem olgeta we yumi mekem long ol tempol. Taem yumi mekem olsem i mekem rilesensip blong yumi wetem God i kam moa dip. … Komitmen blong yumi blong go long hem i mas strong semmak long tugeta, taem tempol i stap kolosap o longwe.
… Taem yumi trastem profet blong God long wol tedei, mo wok folem toktok blong hem, bae yumi faenem hapines, mo tu, bae yu save kam oraet bakegen. Yumi no nid blong lukluk i go moa.