Bambae Glad blong Yufala I Bigwan
Samfala Pat
Tedei mi stap toktok long ol plante senia kapol we oli gat ol eksperiens insaed long Jos we oli save givim seves olsem ol misinari. Lod i nidim yufala.
Olsem we mi bin visitim ol misin raon long wol, mi bin luk ol gudgudfala seves blong plante senia misinari. Hem i klia se oli stap hapi blong mekem “tingting blong Lod” mo stap long “bisnis blong Lod.” [Doktrin mo Ol Kavenan 64:29]. …
Mi bin singaotem plante kapol blong givim seves mo stap luk Laet blong Kraes i kavremap fes blong olgeta. Long taem we oli kambak, oli stap tokbaot hamas oli bin kam antap mo kam moa kolosap long Lod mo kolosap long wanwan long olgeta, stap filim spirit blong Lod we i kapsaed i kamdaon long olgeta, mo blong save se oli stap mekem bigfala jenis. ?Huia bae i no wantem hemia? …
Olsem wan Aposol blong Lod Jisas Kraes, mi askem yufala blong givim seves olsem wan misinari blong stap karem i kam tugeta Isrel mo tu blong givim seves bakegen. …
Mi promesem tu se taem bae yu givim seves bae yu filim lav blong Lod long laef blong yu, bae yu save Hem, Hem bae i save yu, mo “bae glad blong yufala i bigwan.” [Doktrin mo Ol Kavenan 18:15]. Fetful seves blong yufala we i go long Jisas Kraes bae i givim insperesen mo blesem famli blong yufala, ol apu pikinini blong yufala mo ol apu apu pikinini. “Pis mo lav [bae] i kam plante” [Jud 1:2] long laef blong olgeta long ol yia we i stap kam.