“Ko Līhaí ko ha Ākonga ʻa Kalaisi,” Ki Hono Fakamālohia ʻo e Toʻu Tupú, Sānuali 2024.
Pea mo Au Foki
Ko Līhaí ko ha Ākonga ʻa Kalaisi
pea mo au foki
ʻĪmisi
Līhai
Naʻe moʻui ʻa Līhai ʻi ha māmani fonu ʻi ha kakai naʻa nau fai ha ngaahi fili kovi (vakai, 1 Nīfai 1:5). Naʻá ne ʻofa ʻi hono fāmilí, pea naʻá ne fai ha ngaahi fehālaaki he taimi ʻe niʻihi (vakai, 1 Nīfai 16:20), ka naʻá ne ʻilo e founga ke fakatomala aí (vakai, 1 Nīfai 16:24–27). Ko e taha ʻo e ngaahi taumuʻa lahi taha ʻa Līhaí ko hono tokoniʻi hono fāmilí ke nau moʻui angatonu (vakai, 1 Nīfai 2) pea muimui ʻia Sīsū Kalaisi. Te u lava ʻo ako ha meʻa lahi mei heʻene sīpingá.