Nelina N.

12, Sofia, Bulgaria

ʻĪmisi

finemui

Faitā ʻa Christina Smith

ʻOku ʻikai tokolahi ha kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he feituʻu ʻoku ou nofo aí. Naʻe pau ke u tatali ki hano fakangofua ʻe heʻeku tangataʻeikí ke u papitaiso, ka naʻá ku fuʻu fie papitaiso moʻoni. Naʻá ku lotu ʻi he ʻaho kotoa pē ke ne fakangofua au.

Naʻá ne tā mai ʻi ha ʻaho ʻe taha ʻo talamai te u lava ʻo papitaiso! Naʻá ku fiefia lahi! Naʻá ku ʻiloʻi ʻe tokoniʻi au ʻe heʻeku filí ke u muimui ʻia Kalaisi.

ʻI heʻeku hoko ko ha mēmipa foʻou ʻo e Siasí, naʻá ku fuʻu fie ngāue tokoni he naʻá ku faʻa sio maʻu pē ki he ngāue tokoni ʻa e kakai kehé. Naʻá ku lotu lahi ke ʻomi ʻe he ʻOtuá ha taha ke u tokoniʻi. ʻI ha pō ʻe taha ʻi ha misi, naʻá ku sio ai ki ha fefine ʻi he lēlué naʻe fiemaʻu tokoni hili ʻene tō mei hono seá. Kimui ange aí, lolotonga ʻeku fononga mo ʻeku tangataʻeikí ʻi he lēlué, naʻá ku sio ki ha fefine naʻe tō mei hono seá. Ko e fefine tatau pē ia mei heʻeku misí! Ko e aʻusia toputapu ia kiate au ke u lava ʻo tokoni kiate ia.