“Ikuʻi ʻa Māmani mo Maʻu ha Fiemālie,” Ki Hono Fakamālohia ʻo e Toʻu Tupú, Fēpueli 2024.
Ngaahi Lea ke Moʻui ʻAki
Ikuʻi ʻa Māmani mo Maʻu ha Fiemālie
Ngaahi tā fakatātā ʻa Bryan Beach
Koeʻuhí naʻe ikunaʻi ʻe Sīsū Kalaisi ʻa e māmani hingá ni, pea mo ʻEne fakalelei maʻatautolu takitahá, te ke lava mo koe ʻo ikunaʻi ʻa e māmani fonu angahala, siokita, mo fakaongosia ko ʻení.
ʻI hoʻo fakatomala moʻoni mo kolea ʻEne tokoní, te ke lava ʻo ikuʻi ʻa e māmani fakatuʻutāmakí ni pea maʻu ʻa e fiemālie moʻoní.
ʻOku ʻuhinga nai ki he hā hono ikuʻi ʻa māmaní?
ʻOku ʻuhinga ia:
-
Ke ikunaʻi ʻa e fakatauele ke tokanga lahi ange ki he ngaahi meʻa ʻo māmaní ʻi he ngaahi meʻa ʻa e ʻOtuá.
-
Ke falala lahi ange ki he tokāteline ʻa Kalaisí ʻi he ngaahi fakakaukau ʻa e tangatá.
-
Ke fiefia ʻi he moʻoní, taʻofi ʻa e kākaá, pea hoko ko ha “kau muimui anga fakatōkilalo ʻo Kalaisi.”
-
Fili ke fakaʻehiʻehi mei ha faʻahinga meʻa pē ʻokú ne tuli ʻa e Laumālié pea loto-fiemālie ke “tukuange” ʻa e ngaahi angahala ʻoku tau saiʻia taha aí.
-
Fakatupulaki ho ʻofa lahi ange ki he ʻOtuá mo Hono ʻAlo ʻOfaʻangá ʻi haʻo ʻofa ʻi ha toe taha pe faʻahinga meʻa ange.
Te tau ikuʻi fēfē ʻa e māmaní?
-
Fekumi mo muimui ʻi he ngaahi ueʻi ʻa e Laumālie Māʻoniʻoní.
-
Fakatomala fakaʻaho pea tauhi ʻa e ngaahi fuakava ʻokú ne fakakoloaʻi kitautolu ʻaki ʻa e mālohí.
-
Nofo ʻi he hala ʻo e fuakavá.
ʻOku hiki hake kitautolu ʻe he Fakamoʻuí ki ʻolunga ʻi he ngaahi fusi mei he māmani hingá ni ʻaki hono tāpuakiʻi lahi ange kitautolu ʻaki ʻa e ʻofa, loto-fakatōkilalo, foaki ʻofá, manavaʻofá, mapuleʻi kitá, nongá mo e fiemālié.
Koeʻuhí naʻe ikuʻi ʻe Sīsū Kalaisi ʻa e māmaní, te mou lava mo kimoutolu foki.