ʻAi Hangatonu

Ko hai naʻe mamata ki he ʻū lauʻi peleti koulá makehe meia Siosefa Sāmitá?

Tā fakatātā ʻa Steve Nethercott

Makehe meia Siosefa Sāmita, naʻe mamata ʻa e kakai ʻe toko 12 ko ʻení ki he ʻū lauʻi peleti koulá:

Ko e Kau Fakamoʻoni ʻe Toko Tolú: ʻŌliva Kautele, Tēvita Uitemā, mo Māteni Hālisi. Naʻe fakahā ange ʻe he ʻāngelo ko Molonaí kiate kinautolu ʻa e ʻū lauʻi peletí, fakamoʻoni kiate kinautolu, mo fekauʻi ʻa e kau tangata ʻe toko tolú ke nau fakamoʻoni ki ai.¹

Kau Fakamoʻoni ʻe Toko Valú: Kalisitiane Uitemā, Sēkope Uitemā, Pita Uitemā ko e Siʻí, Sione Uitemā, Hailame Peisi, Siosefa Sāmita ko e Lahí, Hailame Sāmita, mo Samuela H. Sāmita. Naʻe fakahā ange kiate kinautolu ʻe Siosefa Sāmita ʻa e ʻū lauʻi peletí pea ʻoange ke nau puke.²

Mele Uitemā: Naʻe fakaʻaliʻali ange ʻe he ʻāngelo ko Molonaí ʻa e ʻū lauʻi peletí mo fakafiemālieʻi ia koeʻuhí ko e ngaahi kavenga naʻe pau ke ne fuesia ʻi hono tokangaʻi ʻo e fānau ʻe toko valu mo e kau ʻaʻahi ʻe toko tolu lolotonga hono liliu e Tohi ʻa Molomoná ʻi hono ʻapí.³

Naʻe sio ʻa Sosaia Sitoeli ki ha tuliki ʻo e ʻū lauʻi peletí. Pea naʻe toʻo ʻe ha toko fā kehe ʻa e ʻū lauʻi peleti koulá lolotonga hono faʻo e ʻū lauʻi peletí ʻi ha faʻoʻanga meʻa pe kofukofuʻi: Lusi Meki Sāmita, ʻEma Sāmita, Viliami Sāmita, mo Katalina Sāmita.⁴

Kuo teʻeki ai fakaʻikaiʻi ʻe ha taha ʻo e kakai ʻe toko 17 ko ʻení ʻa e meʻa ne nau mamata ai mo aʻusiá.

Maʻuʻanga Fakamatalá

1. Vakai “Ko e Fakamoʻoni ʻa e Kau Fakamoʻoni ʻe Toko Tolú,” Tohi ʻa Molomoná.

2. Vakai, “Ko e Fakamoʻoni ʻa e Kau Fakamoʻoni ʻe Toko Valú,” Tohi ʻa Molomoná.

3. Vakai, Kau Māʻoniʻoní, voliume 1, Ko e Fuka ʻo e Moʻoní, 1815–1846 [2018], 70–71.

4. Vakai, Ngaahi Tefito ʻi he Hisitōlia ʻo e Siasí, “Kau Fakamoʻoni ʻo e Tohi ʻa Molomoná,” ChurchofJesusChrist.org/study/ history/topics; vakai foki witnessesofthebookofmormon.org/witnesses-of-the-plates.