“ʻOku ou fiemaʻu faleʻi ʻi hono palani e ngaahi ʻekitivitī ʻa e toʻu tupú. Ko e hā ha ngaahi fakakaukau lelei?,” Ki Hono Fakamālohia ʻo e Toʻu Tupú, Sānuali 2024.”
Ngaahi Fehuʻí mo e Talí
“ʻOku ou fiemaʻu faleʻi ʻi hono palani e ngaahi ʻekitivitī ʻa e toʻu tupú. Ko e hā ha ngaahi fakakaukau lelei?”
Taufetongi mo Palani Fakataha
“ʻOku mau taufetongi ʻi hono palani ʻo e ngaahi ʻekitivitī ʻi he uike takitaha. ʻOku toʻo heni ʻa e loto-mafasia ha foʻi toko taha pē, pea ʻoku mau maʻu ha ngaahi fakakaukau kehekehe. ʻOku tokoni foki ke ʻi ai ha ʻekitivitī ʻoku mou palani fakataha ai. ʻOku mau saiʻia ke vaʻinga, kakata fakataha, mo ngāue tokoni.”
Adelynne S., 17, Utah, USA
ʻOmi e Niʻihi Kehé ki he Fakamoʻuí
“Fehuʻi ki he kau mēmipa ʻo hoʻo kalasí pe kōlomú pe ko e hā e meʻa ʻoku nau saiʻia hono fakahokó. Fili ha ngaahi ʻekitivitī te ne ʻomi e toʻu tupú ke nau vāofi ange mo e Fakamoʻuí, pea fiefia fakataha! Kuo hoko maʻu pē ʻa e ngaahi ʻekitivitī ngāue tokoní ko ha niʻihi ʻo e ngaahi meʻa ʻoku ou saiʻia taha aí. ʻOku ou maʻu maʻu pē ha ngaahi kaungāmeʻa foʻou!”
Katie G., 18, Washington, USA
Feinga ke Fakakau ʻa e Tokotaha Kotoa Pē
“ʻE lava ke ongoʻi ʻe he niʻihi kehé ʻoku talitali lelei ange kinautolu ʻi he ngaahi ʻekitivitī ʻe lava ke kau ki ai ʻa e tokotaha kotoa pē. ʻOku tokoni hono ʻeke ki ho kulupú ʻa e ngaahi ngāue manako pe meʻa kehe ʻoku nau saiʻia ke fakahokó.
Lily D., 13, Arizona, USA
Ngaahi Fehuʻi ʻe Tolu
“ʻOku faʻa palani ʻe heʻeku kalasí ha ngaahi ʻekitivitī ʻo makatuʻunga ʻi ha ngaahi fehuʻi ʻe tolu: Ko e hā ʻoku fiemaʻu ke tau fakaleleiʻí? Ko hai ʻoku fiemaʻu ke tau poupouʻí? Kuo taimi nai ki ha ʻekitivitī ʻoku siʻisiʻi ange ai ʻa e taimi mo e ivi ʻoku molé, ʻi he ngaahi ʻekitivitī kehé? ʻI hoʻomou fakakaukau ki he ngaahi meʻá ni, lotu, fakalaulauloto, mo fealēleaʻaki fakataha. Te ke lavaʻi ia!”
Isabella R., 14, Oregon, USA
ʻEsia Tā Fakalaumālié
“Te ke fiemaʻu ha ngaahi makasini lahi ʻa e Siasí koeʻuhí ke ke lava ʻo kosi ʻa e ngaahi ʻīmisi pe pōpoaki fakalaumālie ʻokú ne ueʻi fakalaumālie koé. Hili ia pea fokotuʻutuʻu ʻa e meʻa naʻá ke kosí ʻi ha ʻesiaʻi tā ʻoku fokotuʻutuʻu makehe. Te ke lava ʻo tuku ia ʻi ha feituʻu te ke lava ʻo sio ki ai.”
Florence M., 14, British Columbia, Canada