ʻOtu Lea ki he ʻOtu Lea

Ko ha Ākonga ʻa Sīsū Kalaisi

Vakai ki he founga ʻoku ʻaonga ai foki kiate koe hono fakamatalaʻi ʻe Molomona iá.

3 Nīfai 5:13

13 Vakai, ko ha ākonga au ʻa Sīsū Kalaisi, ko e ʻAlo ʻo e ʻOtuá. Kuó Ne ui au ke u malanga ʻaki ʻa ʻene folofolá ʻi he lotolotonga ʻo hono kakaí, koeʻuhí ke nau maʻu ʻa e moʻui taʻengatá.

ākonga ʻa Sīsū Kalaisi

ʻOku ʻuhinga ʻa e foʻi lea ākongá ki ha taha ʻoku ako mei ha faiako pe mataotao (hangē ko ha taha akoako pe ako ngāue).

ʻOku ako e kau ākonga ʻa Sīsū Kalaisí meiate Ia, muimui ki Heʻene ngaahi akonakí, pea feinga ke hangē ko Iá.

kuó ne ui ke malanga ʻaki ʻene folofolá

ʻOku ʻi ai ha niʻihi ʻoku ʻi ai honau uiuiʻi makehe ke fakahā ʻa e folofola ʻa Kalaisí, hangē ko e kau faifekaú. Ka ʻoku tau palōmesi ʻi heʻetau ngaahi fuakavá, ke tauhi ʻEne ngaahi fekaú, kau ai ʻa e fekau ke hoko ko ha maama ki he māmaní (vakai, Mātiu 5:14–16). Kuo tau fuakava ke “tuʻu ko e kau fakamoʻoni ʻo e ʻOtuá ʻi he taimi kotoa pē pea ʻi he meʻa kotoa pē, pea ʻi he feituʻu kotoa pē” (Mōsaia 18:9).

ʻOku uiuiʻi ʻa e mēmipa kotoa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke tokoni ʻi hono fakahoko e ngāue ʻa e ʻEikí mo vahevahe ʻEne ongoongoleleí (vakai, Tokāteline mo e Ngaahi Fuakava 38:40–41).

moʻui taʻengatá

ʻOku ʻuhinga ʻa e moʻui taʻengatá ki he moʻui ʻi he puleʻanga fakasilesitialé mo e Tamai Hēvaní mo Sīsū Kalaisi. Ko e pale ʻeni ki he kakai ʻoku tui kia Sīsū Kalaisí, fakatomala, fakahoko mo tauhi e ngaahi fuakavá, pea kātaki ki he ngataʻangá.

Kuo folofola ʻa e ʻEikí, “Ko ʻeku ngāué ʻeni mo hoku nāunaú, ke fakahoko ʻa e moʻui taʻe-faʻa-mate mo e moʻui taʻengata ʻa e tangatá” (Mōsese 1:39). ʻOku tokoniʻi Ia ʻe he kau ākongá ke fakahoko ʻEne ngāué.