Nelina N.

12, Sofia, Palekeria

E le toatele ni tagata o le Ekalesia a Iesu Keriso o le Au Paia o Aso e Gata Ai i le vaega o loo ou nofo ai. E tatau ona ou faatali mo le faatagaga a lou tama ina ia papatisoina, ae sa ou matuai manao lava i ai. O aso uma lava, sa ou tatalo ai ina ia ia faatagaina au.

I se tasi aso na ia valaau mai ai ma tau mai ia te au e mafai ona ou papatiso! Sa matuai o’u fiafia lava! Sa ou iloa o la’u filifiliga o le a fesoasoani ia te a’u e mulimuli i tulagaaao o Keriso.

I le avea ai ma se tagata fou o le Ekalesia, sa ou matuai manao lava e auauna atu aua sa ou vaai pea lava pea i isi tagata o loo auauna atu. Sa ou tatalo soo ina ia tuuina mai e le Atua ia te au se tasi e auauna atu i ai. I se tasi po i se miti, sa ou vaaia ai se fafine i luga o le nofoaga o le faleaiga sa manaomia le fesoasoani ina ua pa’ū ese mai lona nofoa. Mulimuli ane, a o ma malaga atu ma lo’u tama i le nofoaga o le faleaiga , sa ou vaaia ai se tamaitai ua pa’ū ese mai lona nofoa. O le fafine lava lea e tasi lea na i i la’u miti! O se aafiaga paia mo au le mafai ona ou fesoasoani atu ia te ia.