Tuusao i le Mataupu

O ai na vaai i papatusi auro e ese mai ia Iosefa Samita?

Ua vaai Maria Uitimera i papatusi auro

Ata na tusia e Steve Nethercott

O tagata nei e 12 na vāai i papatusi auro, e ese mai ia Iosefa Samita:

O Molimau e Toatolu: Oliva Kaotui, Tavita Uitimera, ma Matini Harisi Na faaali atu e le agelu o Moronae ia i latou papatusi, molimau atu e uiga ia i latou, ma poloaiina ia alii e toatolu e molimau i ai.¹

O Molimau e Toavalu: Christian Uitimera, Iakopo Uitimera, Peteru Uitimera le Itiiti, Ioane Uitimera, Hiram Page, Iosefa Samita le Matua, Ailama Samita, ma Samuelu H. Samita. Na faaali atu e Iosefa Samita ia i latou ma tuu atu latou te uuina papatusi.²

Maria Uitimera: Sa faaali atu e le agelu o Moronae ia te ia papatusi ma faamafanafanaina o ia ona o avega sa ia tauaveina i le tausiga o le fanau e toavalu ma tagata e toatolu asiasi atu a o faaliliuina le Tusi a Mamona i lona fale.³

Sa vaai Iosia Stowell i se tulimanu o papatusi. Ma e le itiiti ifo ma le toafa isi na sii ae papatusi auro a o i ai papatusi i totonu o se koneteina po o se afifi: Lusi Maka Samita, Ema Samita, Viliamu Samita, ma Katerine Samita.⁴

E leai se tasi o nei tagata e 17 na faafitia mea na latou vaaia ma oo i ai.

Faamatalaga

1. Tagai i le “O Le Mau a Molimau e Toatolu,” Tusi a Mamona.

2. Tagai i le “O Le Mau a Molimau e Toavalu,” Tusi a Mamona.

3. Tagai i le Au Paia, vol. 1, O Le Tagavai o le Upumoni, 1815–1846 [2018], 70–71.

4. Tagai i Autu o le Talafaasolopito o le Ekalesia, “O Molimau o le Tusi a Mamona,” ChurchofJesusChrist.org/study/ history/topics; tagai foi i witnessesofthebookofmormon.org/witnesses-of-the-plates.