“Auala e Tele e A’oa’o Ai,” Mo le Malosi o le Autalavou, Ian. 2024.

Auala e Tele e A’oa’o Ai

Saunia e David Dickson

Mekasini a le Ekalesia

E te manao ia avea le lalolagi ma se nofoaga e lelei teisi atu? E amata uma lava i le aoaoina pe faapefea.

Ata

tamaitai talavou o loo tilotilo i le fa’ata

Ata na tusia e Dean Macadam

O le a le mea a le aoaoina o le oti ulu e fai i le setiina o moli i luga o se tulaga?

“O se vaega atoa o la’u fuafuaga,” o le tala lea a Lisa, o se talavou matua ua i ai nei i lona tausaga muamua i le kolisi.

Sa amata e Lisa le aoga o teuteuga ma le faaaulelei o fofoga, i le 16 o ona tausaga. Sa ia maua foi se polokalama lea sa mafai ai ona ia auai i ni aso pupuu i le aoga maualuga ina ia mafai ai ona ia auai atu i le aoga o teuteuga ma le faaaulelei o fofoga i aoauli. O le tulaga moni o lona i ai nei i le kolisi ma aoga i le vaega mo le faatonutonuina o faaaliga ma faafiafiaga, e lei faapea ai ua le manuia ana taumafaiga i le aoga i le vaega o teuteuga ma faleotiulu. O le mea moni, ua mafola mai mea uma i le auala tonu lava sa ia faamoemoe i ai.

“Sa ou manao ia i ai so’u tomai e mafai ona ou faaaogaina e fesoasoani ai e totogi lau aoga i le kolisi,” o le tala lea a Lisa. “Ma le isi, e mafai ai ona ou auauna atu i isi tagata ma sefe tupe i le otiina o ulu o le matou aiga mo aso o totoe o lo’u olaga!”

Aisea Tatou Te A’oa’o Ai

“E finagalo le Tama Faalelagi i Ona afafine ma atalii ia aoaoina i taimi uma.”¹ O nisi nei o le tele o auala e avea ai le aoaoina i le olaga atoa o se faamanuiaga tele:

E mafai ona e fesoasoani atu ma aoao au uo, aiga, ma isi i se tulaga e sili atu.
E mafai ona e auauna atu i le Ekalesia ma lou nuu i se tulaga e sili atu.
O le a tele atu ou tomai i ni vaega eseese mo le ola tutoatasi.
O le a mafai ona e alu lava ma ave lou malamalama pe a e oti.
A o e galue malosi ma faagaoioi lou faiai, e mafai ona tumau i le maloloina.

E Faapefea Ona Tatou A’oa’o

E ala i tusitusiga paia ua tatou a’oa’o ai e ao ona tatou “Saili i le aoaoina, e ala lava lea i le suesue ma le faatuatua foi” (Mataupu Faavae ma Feagaiga 88:118; tagai foi i le 130:18). O aso nei ua tele atu avanoa mo le aoaoina nai lo se isi lava taimi muamua, e pei o le:

Aoaoga aloaia, e aofia ai kolisi, iunivesite, ma aoga o faiva alofilima.
Sailia o le malamalama “mai tusi sili ona lelei” (Mataupu Faavae ma Feagaiga 88:118). E mafai foi ona e faaopoopo atu, “o punaoa faaeletonika sili ona lelei.”
Aoao tuusao mai uo ma tagata o le aiga.

Manatu mo gaoioiga! Faatulaga se gaoioiga faafaiaoga o le “faasoa tomai” i lau paranesi po o le uarota. E o mai uma tagata auai ua saunia e aoao atu se mea ua latou iloa ona fai.
Tatalo ma le suesueina o tusitusiga paia.
O le ola faamaoni ina ia agavaa mo le mafutaga faifai pea ma le Agaga Paia, o lē “aoao ia te outou i mea uma lava” (Ioane14:26).
Faataitaiga, mafaufauga fatufatuai, ma taumafaiga. O le mea sili e uiga i le malamalama o le, e tele lava isi mea o loo aoaoina i aso uma. E mafai ona e faaopoopo atu i le tuufaatasiga tele o malamalama o le lalolagi ua i ai.

O Afea Tatou te Aoao Ai

I le faaiuga, pe o e aoao se tomai oti ulu e pei o Lisa po o le aoao pe faapefea ona fausia se malosiaga faa-tekinolosi o le isi augatupulaga, ua faamanatu mai e Peresitene Nelson ia i tatou o loo i ai lava se taimi sili ona lelei e faia ai na galuega:

“Ioe, e tatau ona tatou aoao mai le tuanai, ma ioe, e tatau ona tatou saunia mo le lumanai,” na ia aoao mai ai. “Ae ua na o le taimi nei e mafai ona tatou faia ai. O le taimi nei o le taimi lea tatou te a’oa’o ai. O letaimi nei o le taimi lea tatou te faamanuia atu ai i isi.”²

Ia, o lea la. O le a le mea e te fia aoaoina i le aso nei?