Sau, Mulimuli Mai ia te A’u

1 Nifae 3–4; 17–18

Faafoeina o se Vaega Fou

Saunia e Brynn Wengler

Mekasini a le Ekalesia

O se lesona faitino malie lenei e mafai ona e aoao atu i lou aiga po o le vasega i le taimi o le suesuega o le Sau, Mulimuli Mai ia te A’u i lenei masina.

Sii mai le PDF

A e faataitaia se mea fou, atonu e te lagona e pei o Nifae o loo sailia papatusi apamemea, “sa [e] le muai iloa muamua mea e tatau ona [e] faia” (1 Nifae 4:6). Ae ia manatua, e le tuua lava na o oe, aemaise lava pe a e faia se mea ua poloaiina ai oe e le Atua.

O Sapalai

• O se laupepa faatafafa laumiumi mo tagata taitoatasi (pepa masani o le masini lomitusi e tipiina i le afa e fetaui lelei!)

• O se mea e tusi pe tusitusi ai

1. O Le Lē Mua’i Iloa Muamua

Tufa atu i tagata taitoatasi se fasipepa. Ae aua le tauina atu ia i latou le mea e fai i ai. Nai lo lena, talanoa e uiga i le auala e masani ona tatou maua ai faaaliga mai le Atua tai tasi i le taimi, e pei o Nifae i le aumaia o papatusi apamemea (tagai i le 1 Nifae 3–4) po o le fauina o se vaa (tagai i le 1 Nifae 17–18).

2. Lea Fuaitau i luga o Lea Fuaitau

Ua oo mai nei le vaega malie! Faitau leotele faatonuga nei taitasi i le taimi e fesoasoani ai i lau vaega e gagau a latou lava galuega faatino lilo. (E faigata e aunoa ma ni ata! Afai latou te manaomia se fesoasoani faaopoopo, tuu atu ia i latou e autilo mo se taimi vave i le faasologa.)

3. Faaaliga: Taitaia e le Agaga

Ua tatau nei ona i ai i lou aiga po o le vasega se fuāva’a fou mata’ina o va’a pepa! Faaalu ni nai minute e talanoa ai e uiga i taimi na tou manaomia uma ai le taitaiga a le Atua i “lea fuaitau i luga o lea fuaitau.” E mafai foi ona e tusia pe tusi se ata i luga o au va”a e manatua ai na taimi.

O le taimi nei pe a lafoa’i atu e le olaga ni mea fou ia te oe, aua nei galo ona saili atu i faaaliga mai le Atua. Manatua, o le a Ia saunia i taimi uma se ala mo oe e faia ai mea ua Ia poloaiina ai oe (tagai i le 1 Nifae 3:7).

Faatonuga

1. Uu le fasipepa ia pito i luga le itu puupuu. Gagau i le afa, mai le pito i luga i le pito i lalo.

2. Toe gagau i le afa mai le agavale i le taumatau, ona toe tatala lea o le gaugauga lena na e faia.

3. Faatasi ai ma le faatausiusiuga o loo gagau i le pito i luga, ave tulimanu e lua pito i luga ma gagau i lalo i le gagauga ua i ai i le ogatotonu. E tatau ona foliga mai o se tafatolu o lo o i ai ma se faatafafa le tutusa i le pito i lalo.

4. Ave le fasipepa laitiiti i le pito i lalo o lau tafatolu ma gagau i luga le vaega pito i luga. Liliu ane lesi itu, ma toe fai faapena le fasi pepa i le isi itu.

5. Toso ia matala le vaega pito i lalo ina ia foliga mai o se pulou.

6. Faaauau pea ona toso seia oo ina fesootai pito e lua ma mafolafola ia foliga pei se faa-taimane.

7. Faatasi ai ma le vaega o loo matala i le pito i lalo, gagau i luga le vaega muamua agai i le pito i luga o le taimane. Liliu ma toe fai faapena le isi itu. E tatau ona foliga mai o se tafatolu.

8. Toso le vaega pito i lalo ma faamafolafola e pei ona e faia i laasaga 5 ma le 6 i se foliga taimane.

9. O le pito i luga o lau taimane e tatau ona i ai ni fasi tafatolu se lua i le itu tauagavale ma le taumatau. Toso agai fafo pito na, ma faamafolafola ina ia e maua ai se siepi tafafa e eseese uma pito e faau i luga. Ona toso lea i fafo o ona itu ina ia fesoasoani ai ia tu na o ia lava.