Finnið styrk hans

7 leiðir til að fá aðgang að styrk Jesú Krists

Becca Aylworth Wright

Kirkjutímaritin

„Jesús Kristur er styrkur ungmenna.“ Hvernig getur þetta raungerst fyrir ykkur, frekar en að vera bara klisja?

„Jesús Kristur er styrkur ungmenna.“ Þetta er meira en falleg hugmynd. Þetta eru kraftmikil sannindi sem spámenn og postular hafa kennt¹ – en aðeins ef við virkjum þau, ef við gerum Jesú Krist að uppsprettu styrks okkar. En hvernig gerum við það? Hvernig gerum við Jesú Kristi kleift að hjálpa okkur að styrkjast? Hér eru nokkrar ábendingar.

Myndskreyting: Toby Newsome

1 Hljóta styrk af því að halda sáttmála ykkar

„Hver er uppspretta slíks siðferðilegs og andlegs kraftar og hvernig getum við öðlast hann? Uppsprettan er Guð. Aðgengi okkar að þessum krafti er í gegnum sáttmála okkar við hann.“

Öldungur D. Todd Christofferson, í Tólfpostulasveitinni, aðalráðstefna, apríl 2009.

2 Hljóta styrk af því að lesa orð hans

„Orð Guðs … býr yfir mætti til að efla hina heilögu … svo þeir fái staðist hið illa, haldið sér fast að hinu góða og fundið gleði í þessu lífi.“

Ezra Taft Benson forseti (1899–1994), „The Power of the Word,“ aðalráðstefna, apríl 1986 (Ensign, maí 1986, 80).

„Ritningarnar geta sefað hrjáða sál, veitt frið, von og endurvakið trúna á að við getum sigrast á erfiðleikum lífsins. Þær búa yfir miklum krafti til að græða tilfinningaskaða sé trú á frelsarann fyrir hendi.“

Öldungur Richard G. Scott (1928–2015), í Tólfpostulasveitinni, aðalráðstefna, október 2011.

3 Hljóta styrk af því að halda boðorð hans

„Öryggi okkar felst í iðrun. Styrkur okkar berst með hlýðni við boðorð Guðs.“

Gordon B. Hinckley forseti (1910–2008), „The Times in Which We Live,“ aðalráðstefna, okt. 2001 (Ensign, nóv. 2001, 74).

„Haldi mannanna börn boðorð Drottins, veitir hann þeim næringu, styrk.“

1. Nefí 17:3.

4 Hljóta styrk af því að iðrast daglega

„Með trú á friðþægingu Jesú Krists og iðrun synda sinna, hljóta [einstaklingar] styrk og aðstoð við að gera góðverk sem ekki væri hægt að viðhalda eftir eigin leiðum.“

Bible Dictionary, „Grace,“ Gospel Library.

5 Hljóta styrk af því að leita og fylgja opinberun

„Hvað mun gerast, ef þið hlýðið á og hlítið því af meiri kostgæfni sem frelsarinn hefur sagt og er að segja fyrir milligöngu spámanna sinna? Ég lofa að þið munið blessuð með meiri getu til að takast á við freistingar, erfiðleika og veikleika. … Ég lofa að geta ykkar til að finna gleði mun aukast, jafnvel þótt umrótið verði meira í lífi ykkar.“

Russell M. Nelson forseti, „Hlýð þú á hann,“ aðalráðstefna, apríl 2020.

6 Hljóta styrk af því að biðja

„Andleg háspennulína okkar styrkist með bæn. Er við ráðgumst við Drottin um allt sem við tökum okkur fyrir hendur, leiðbeinir hann okkur til góðs.“

Russell M. Nelson forseti, aðalráðstefna, okt. 1984 (Ensign, nóv. 1984, 31).

7 Hljóta styrk af því að þjóna í musterinu

„Helgið Drottni tíma í hans heilaga húsi. Ekkert mun styrkja ykkar andlegu undirstöðu meira en þjónusta og tilbeiðsla í musterinu.“

Russell M. Nelson forseti, „Helga Drottni tíma,“ aðalráðstefna, október 2021.

„Mér líkar það afar vel hvernig við höfum aðgang að styrk frá Jesú Kristi, en við þurfum að leitast eftir honum og iðka trú.“

Grace T., 15 ára, Bandaríkjunum

Heimild

1. Sjá Til styrktar ungmennum: Leiðarvísir að ákvörðunartökum (2022), 2.