“Tangiria ni kan Reiakinna, Tangira te Kan Tibwatibwa,” Ibukin Kakorakoraia Kairake, Turai 2024.
Tangiria ni kan Reiakinna, Tangira te Kan Tibwatibwa
Iroun Liam N. mai Denmark, te euangkerio bon mwakoron te maiu ae kaunga man kakanoa.
Tamnei iroun Ashlee Larsen
Te beku ibukiia aomata e kona n rabwatanaki n bwaai aika kakaokoro. Teuana te anga ae e tatangiria n beku iai Liam bon man te kakatangitang ibukiia aomata.
Te reirei ke bwaai aika ko tangiria n kakaraoi? Te mwakuri ke te takakaro? Tao bon iai te titiraki ae tamaroa riki: E aera kona ti kataua teuana? Ngkana e kona, Liam N. ae 14 ana ririki mai Denmark e kataia n kunea mwaitin ae tau.
“I tatangiria n kakatangitang,” e taku. “I kakatanga te kitaa, turam, te beeti, biano, ao te ukirere. Irou ao te kakatangitang bon te anga ae tamaroa n kaotii au namakin. I tatangiria naba n kakatangitang ibukiia aomata bwa aonga ni kukurei.”
Ngkana e aki katangitangi, ko kona n kunea Liam n butibooro, bwatiketibooro, ke ni takakaro n te borau ma raoraona. “I tatangira naba te tiaienti ao kamatebwaian bwain karawa,” e taku. “E kakukurei reiakinan aron reitakin bwaai ni kabane. E karikii bwaai ni kabane te Atua, ao e tamaroa.”
N raonaki ma waaki aika e tatangirii, e rereke ana tai n mwakuri korakora naba Liam, e ngae ngakna tao e kabutii nuutibeebwa n ara kaawa ke n ana kamatebwai n ana bwai n reirei.
E reiakinna n kabaratii bwaai nako ake e kainnanoia bwa e na karaoia Liam. E rangi n tatabetabe, ma iai te bwai teuana ae e kakarekea taina ni katoa bong—ana euangkerio Iesu Kristo.
E maeka Liam n atuun atimwakoron Denmark ma ana karo ao karimwiina aika, Filippa ao Max.
Te Kouru ae Nimaua-Minitina
“E aki nang maan n nako ngke I baireia bwa N na wareka tao teuana naba te mwakoro man Ana Boki Moomon—ti teuana te mwakoro—ni katoa bong,” e taku Liam. “E anaa tao nimaua te miniti. Ma e anganai te korakora ae raka, ngaia are I kukurei n karaoa nanon te kakawenako aio.”
Warekan koroboki aika tabu ni katoa bong e a tia ni buoka Liam n riaon riki are e kaantaningaia. “N tabetai ngkana e nakobuaka au bong, warekan te bwai ae karaunano e kona n manga tabekairake riki. Ma ngkana bon te bong ae nakoraoi, e kona n buokai n kauringai N na karabwarabwa n bwaai ake a nakoraoi. I nang karabwarabwa ngkai I kona n teimatoa nakon au kouru.”
E nang tatabetabe Liam bwa bwaai ake e tatangiria ao katabeakina. Ma karekean ana tai ni katoa bong ni wareka Ana Boki Moomon e a tia n kakabwaiaa maiuna.
“Antai Ae E Aki Tangira Te Kimwareirei?”
E rang kakaitau Liam n te boutoka ni kakarekean ana tai ibukin te euangkerio. “Ti ngai ma karimwiiu aika kaain Ana Ekaretia Iesu Kristo ibukiia Aika Itiaki ni Boong aika Kaitira n ara reirei, ngaia are e mwaiti raoraou aika tiaki membwa. Ma ngai I irou iai bon te komiunite ae tamaroa n te Ekaretia i Denmark. Ni kabanea te koraki a kinaia i marenaia, ngaia are e rang tamaroa ngkana e boo te bobotaki.”
Te iraorao ma aika kaokoro aia kainibaire ma ngkoe e kona n nanakobuaka n tabetai. “Denmark bon te aba ae mwaiti kairake iai aika a momoi n te kamangin man uarerekeia,” e kabwarabwara Liam. “E kona n rangi ni kangaanga irouia kairake n aki kariaia bwa ana irekereke n bwaai n aron aikanne.” Ma e kekeiaki Liam n kaokaoti bwaai ake e kakoaua nakoia aomata bwa a aonga n oota n ana rinerine.
Te beku ibukiia aomata e kona n rabwatanaki n bwaai aika kakaokoro. Teuana te anga ae e tatangiria n beku iai Liam bon man te kakatangitang ibukiia aomata.
“Tabetai ngkana ti reiakina te aro n te reirei, a titirakinai taan reirei ao raoraou taekan au onimaki. I a tia ni kataia n kabwarabwara nakon au kabanea n tamaroa, ” e taku Liam. “I a tia naba n kaoa temanna raoraou nakon au bwabetito. I anganna ma tinana Ana Boki Moomon ao n marooro ma ngaiia i aon taekan tabeua bwaai ake I kakoauai. E a bon nakoia aroia n karaoa are a taku ma are ti n tibwauaia nakoia. I namakinna bwa I karaoa te bwai ae eti ni kaoaia aomata bwa ana namakina te kimwareirei n aron are I namakinna, bwa are antai ae e na aki tangira te kimwareirei?”
Bon ti Liam ma tarina ao mwanena aika kaain te Ekaretia n aia reirei. E nang rawata aia tai n ririki bwa banna ni katooto aika tamaroa n ana reirei Kristo.
Moanaki ma te Iraorao
E ataia Liam bwa kabwarabwaraakin bwaai aika e kakoauau ke anganakin raoraona Ana Boki Moomon bon tiaki ti te anga n riki bwa ana reirei Iesu Kristo. Tabetai kaoaia aomata bwa a na namakina kimwareirein te euangkerio e kona n moa man te reitaki n iraorao ao n tangira ni koaua.
“I rang tatangira karakinakin Amon n Ana Boki Moomon,” e taku Liam. Ngai irou e rangi kakaongora ae e aki waerake nakon te Uea ae Ramonaai ao ni kangaai, ‘Ko na ongora nakon te bwai ae I kakoaua’ ma e kakaraurau n iraorao nakoina ni karokoa te tai are e a bon titirakina Amon te Uea, ‘E kanga n riki ae ko raang tamaroa?’”
“Ti kona n karekea te reitaki ma aomata naba,” e taku Liam. “Tao ana roko iroura n titirakiniira bwa tera ae anganganiira te korakora ae raka.”
Te kakabwaia ibukin te Maiu
E rangi n nanamakinna raoi Liam bwa maiuakinan te euangkerio e anganganna te korakora ae raka. E a tia ni kakabwaia maiuna nakon riki te takakaro n te borau, te katangitang, te takakaro, ke bwaai nako riki aika raraoi are e babane ana tai iai.
“I rangi ni kakaitau ngkai I kona ni karekea te euangkerio i nanon maiu bwa I katautaua bwa N na aki riki bwa te aekaki n aomata teuana n akea ni maiu.” e taku. “I namakinna bwa e kinaai riki te Uea nakon kinaakiu i bon irou. I ataia bwa e maiu te Atua ao Kristo. A kaota te kawai nakoira are ti riai n tou ao ni buokiira n katamaroaira riki.”