“Tera arona ngkana I aki kona n taekinna bwa I ataia bwa e koaua te euangkerio?,” Ibukin Kakorakoraia Kairake, Turai 2024.
Nakon Raoi Boton te Iango
Tera arona ngkana I aki kona n taekinna bwa I ataia bwa e koaua te euangkerio?
E bon raoiroi ngkana ko namakinna bwa ko aki kona n taekina ae, “I ataia,”. Moanna man ae ko kakoauaa. Ao ngkana ko aki koaua n anne, moanna man are ko tangiria ni kakoauaa. Ngkanne “kamwakura te nano aio i nanomi” (Aramwa 32:27) ao e na kairiko ni mwakuri—n tataro, kamatebwai, rairannano, ni beku. I nanon kamwakuran am onimaki, mutiakin am iango ao am namakin. I nanon taina, ko na kona n taekinna ma te nanomatoa, “I kakoauaa.”
Kakoaua bon te taeka ae kakawaki, ao bon te mwakuri ae kakawaki riki, ao [ngkoe] ko aki kainanoia n kabwarabure ibukin ae ko‘ti kakoauaa.’”
Kakawakinii koauan te euangkerio ake ko kakoauai. Mwakuriia. Kokoaua nako iai. Ao ni karaoan anne, ko na kakabwaiaaki ma te Tamnei ae Tabu. Ao ko na namakinna bwa ko mena n mweengam n te Ekaretia e ngae ngkana aekara am kakoaua are iroum. N aron are e taku Beretitenti Dieter F. Uchtdorf, te-Kauoman n Kauntira n te tai anne n te Moan Beretitentii,“Akea te kanikinaa ae I ataia i aon te mataroa n ara autinibootaki ae taekinna, ‘E riai am kakoaua ni matoatoa n aron aei ngkana ko na rin.”,