“Akea temanna n au tabo n reirei ae ti te arona arou ma ngaia. “N na kanga ni karekeia raoraou aika a tamaroa ikekei?,” Ibukin Kakorakoraia Kairake, Turai 2024.
Titiraki ao Kaekaia
“Akea temanna n au tabo n reirei ae ti te arona arou ma ngaia. N na kanga ni karekeia raoraou aika a tamaroa ikekei?”
“Maroroakinii bwaai aika kam kaai n tatangirii. Ko aki riai karooa ootam. Ko na ti riai n riki bwa te roronrikirake ae e kona ni kakaraoi waaki ni kakukurei tabeua ake a kakaraoi man kukurrei iai roronrikirake tabeman. Iriira ana kainibaire Iesu Kristo, ao kamataata nakoia raom n reirei bwa aekara kainibaire aika ko iriiri.”
Jaime Ann B., 18, Negros Occidental, Biribin
“Kakaeia aomata aika titebo arom ma ngaiia, bwaai aika kam nano iai, taarena, ke waaki ni kaakibotu ma ngaiia. Iai aomata aika tamaroa man koaua ake tabeua, n ai aroia naba aomata aika tamaroa aika akea aia koaua. Ngaiia ni kabane bon natin te Atua aika tangiraki. Ngkana ko teimatoa ni kawakini kainibaire, e ngae ngkana a aki raoraom, am banna ni katooto e na kona n kaungaia tabeman ni karaoi rinerine aika tamaroa.”
Lucy B., 15, Lima, Peru
“Bwaina te taotaonakinnano ao kauka-am iango. E boboto te iraorao i aon nakoraoina, tiaki mwaitina, ao karekean rao ni koaua tabeman e kona n uaana riki nakon kataakin rinim ibuakoia te botanaomata aika aki titeboo am koaua ma ngaiia.”
Adedoyin Alma O., 17, Osun, Nigeria
“Tibwauai am kainibaire ma ngaiia. Ngkana ataia bwa aekara te kainibaire ae ko maiuakinna, a na kona ni karinei. Ko kona naba n kaoia raraom n te reirei nakon te taromauri ao/ke waaki ni kakukurei n te Ekaretia ni buokiia bwa ana noora riki ae bati n am koaua.”
Margarett P., 13, Texas, USA
“I a tia n reiakinna bwa ko kona ni karekeia raom aika a tamaroa rinanon ana wirikiriki te tamnei ao n arom i bon iroum. N tabetai aomata ana roko iroum, ao n tabetai ko na taratara nako, ma e na bon iai aomata aika a na riki bwa rao aika tamaroa ke a kainanoa te rao ae tamaroa n ai arom.”
Katie R., 18, Nebraska, USA