“Man te Bwaka nakon te Tokanikai,” Ibukin Kakorakoraia Kairake, Turai 2024.
Man te Bwaka nakon te Tokanikai
Ko riai n aki bwabwarannano, e ngae ngkana ko bwaka. Kakoauaai.
Rawetamnei man 2023 Toyota USATF Outdoor Championships n Turai 8, 2023 man USATF
N 2022 I ira te 3,000 n miita n ana kauaaba te United States. Te kauaaba aio bon itiua-ao-te-itera te raaun i aon te tabo n biri, ao iai nimaua te oo ae te kai ni katoaa te raaun are ko na kibaria, n ikotaki ma teuana ae i mwain raoi te mwarua n ran.
Ai bon uoua au raaun n tain te kauaaba ngke e a kuri naba n bwaka teuare i moau, ao I a kuri n kuratinna. E reke kibana i aon te oo, ma ngai e aki—I bwaka.
I karaurau n kibarake bwa are kanga e bua angiu. I iangoia, “N nang kabwara nanou n otinako man te tabo n biri?” Ma I bon rangi n tauraoi. I a tia n baireia bwa N na bon reitinako e ngae ngkana I bwaka, ngaia are I a manga reitinako n ira te kaboo. I bon tangiria n anganna au kabanea n konaa e ngae ngkana I aki moanna.
Uoua riki te raaun ngke I a roko iroun te mwaane are te kabanea n te rain. N te tai ae tawe ao ai ti teniua riki te raaun ao i mwiina ai ti uoua naba riki te raaun. I a moanna n iangoia i nanou bwa tao e na bon kona n reke n neu bwa te kateniman. Ma I bon rangi ni kua, ao I a kitanaki irouia tabeman aomata ae ai ti teitera n raaun riki biriia. I kaaman, ma n te tai anne ao e a manga nakoraoi kabanean kibau riaon te ran. Ao I tabe n iangoia, “O ngaia, tao n na bon kona n moanna.”
Ngke e a bane au kabanea n 50 n miita, I a ataia bwa ngaia nang moanna. I bon rang aki kaantaningaia. I iangoia, “akea ngaira, n nang taua raoi ngkai te tokanikai?” Ao I bon taua. I moanna e ngae ngke I a tia n bwaka.
I mwiina, I noria bwa ngaia iai reirei aika ti kona n reiakinna man te bwai ae tia n riki.
1. Bwaina te Taotaona n Nano I Bon Iroum
Ngke I bwaka, I tangiria n kakioia ake i moau n te tai ae tawe. Ma I tautaua bwa miina n na kua. Iai te kibu n koroboki aika tabu ae kangai, “Ti na botumwaka ni biribiri n te kabobirimwaka ae kamenaki i mwaira” (Ebera 12:1). N te maiu aio, e aki kaantaningaaki bwa ko na tokanikai naba n tai ae tawe. N tabetai e anaa te tai.
2. Waaki Nako
E bon riiriki n tabetai ae ko namakinna ae ko tangiria n tabetai ni kabwara nanom. Ngke I bwaka, I aki kaantaningaia bwa n na tokanikai, ma I rineia bwa n na waakinako. Iai n taainako te kaantaninga ngkana ko bwaka—ko ti kainanoia bwa ko na teirake ao n manga kataia riki. E na buokiko te Tia Kamaiu rinanon am tai n aitara ma am kangaanga. Teimatoa nakon ae ko bon ataia bwa e koaua, ao reitaki ao bubuti buokam mairouia tabeman. Bwaai ni kabane a na bon manga nakoraoi i nanon taia.
3. Kabanea Nanom i aon Iesu Kristo
I aki kaantaningaaki bwa n na tokanikai n te kauaaba i mwiin bwakau. Ma ngkana ti bwaka n te euangkerio, ngkana ti karaoa te kairua ke te bure, ti kona n taainako n nakon Kristo, n rairi nanora ni koaua, ao ni kabwaraaki ara bure. E na buokiko ni kateirakeko. Iai iroura te konabwai ae korakora—te konabwai n riki n tamaroa, ao ni karaoa ae tamaroa. E ngae ngkana tia bwaka man bwaka, ngkana ti teimatoa n raira nanora ao ni keiaki n iriira te Tia Kamaiu, E berita bwa ti kona n tokanikai n te maiu aei.