Te Maiu ni Ibuobuoki

Bwain Buokan Marurungin Te Namakin

Iroun Marissa Widdison

Ana Maekatiin te Ekaretia

Ibuobuoki tabeua ibukin kateimatoaan marurungin am namakin.

Iesu Kristo

Ko kona n iangoi kawai aika bati ni kateimatoaa marurungin rabwatam ngkai ko tabe ni kara. Ko ataia bwa Tamam are i Karawa ao Iesu Kristo a tangiriko ao a tangiriko bwa ko na tararuaa raoi rabwatam. Ao “tararuaan rabwatam e airi ma tararuaan marurungin am iango ao am namakin” (Ibukin Kakorakoraia Kairake: Te Kairi ibukin Karaoan Rinerine [2022], 29). Aikai tabeua bwaai aika ko kona ni karaoia ni buoka naba marurungin am namakin!

• tareboon mobwaera

  Kamataata n te tamnei iroun Emily E. Jones

  Reitaki ma tabeman. Moarara riki ngkana ko nanokawaki, ko na bae n tangiria n tiku n ti ngkoe. E raoiroi anne i nanon te tai ae uarereke, ma e kakawaki naba bwa kona kabanea am tai ma aomata aika ana tabekikorake. E kona n uoti kangaanga aika rawawata n taainako tikum n ti ngkoe.

• katibu n taetae

  Kaoti am namakin. Kataneiaiko n kokoaua n am namakin ake ko namakinii. Maroroakinii am namakin n te anga ae bootau iroum. Ao ni koauana, e raoiroi te tang! Iangoa te tai are e tang Iesu (taraa Ioane 11:32-35).

• kaburoro

  Kinaa bwa taian namakin bon rongorongo. E ngae n anne ao a na bon aki karauko, ma namakin akanne a bon aki kona n kamarakiko. Kataia ni kinai raoi am namakin ao ni kinaa bwa tera ae a kataia n tuangko.

• been, bentira, burati ni been

  Kataneiaiko ma rabakau n totoko. Ngkana ko nanokawaki ke n un, reiakina arom n barongai raoi am namakin aikai n te anga ae kamarurung. Te katooto, a mwaiti te aomata ae a kunea bwa e ibuobuoki te nako n rianna, ongora nakon te katangitang, korotamnei, tataro, ke ni koroboki n am tienoo.

• naang

  Kariaia bwa namakin n aki rau n nano ana kaoti ao n manga nako. Ikerake ao iangoi naang aika a tabeibeti i karawa, ke te ran ae biri rikaaki n te karaanga. Butimwaai am iango ma am namakin ao kataia ni kanakoi.

• koroboki aika tabu

  Kateimatoaa kamarurungan tamneim. Koroboki aika tabu, anene n taromauri, tataro, taromauri—ni kabane bwaai aikai ana buoka kakorakoraan tamneim, are e na buoka nikiran rabwatam ni kamarurungnga.

• bwatoro n ran ao kaau

  Keiaki n kateimatoaa marurungin rabwatam. A irekereke marurungin ara namakin ao marurungin rabwatara. Amwarakem n amwarake aika baeranti, karekean te motirawa ae tau, ao karekean te anua n kakamarurung e na buokiko ni kamarurungii am namakin i nanon rikirakem.

• te ataeinimwaane ao tinana

  Ukora te ibuobuoki ngkana ko kainnanoia. Rabwatara n tabetai a kainanoa te ibuobuoki mairouia aika rabakau bwa e na marurung ao ni korakora. Bwaai n ibuobuoki aika bon kakabwaia mairoun Tamara are i Karawa, are tangiria n buokiira. N te anga naba anne, ti na bon kainanoa te ibuobuoki mairouia taokita ao kaauntira ibukin marurungin ara namakin n taai tabetai. Ngkana ko namakinna bwa ko nanokawaki i nanon taai aika maan, ke ngkana iai iroum te iango ibukin kan kamarakakim, bubutiia te ikawai buokam. Ko naaki rinanon aio n tii ngkoe! Kanakoa baim nakon kakabwaia ake e a tia ni katauraoi Tamam are i Karawa ibukim.

Ibukin bwaai n ibuobuoki aika bati riki, kawara mentalhealth.ChurchofJesusChrist.org.

Tuoa, naba te Gospel Living app n te namwakaina aei ibukin iango n ibuobuoki iaon marurungin te namakin.