Au Namakin n au tai ni Koreaki Buroou

Iroun Carter Thomas

Kamataata n te tamnei iroun Adam Nickle

E rangi n korakora nanou n taian takakaro, moarara riki te bwatiketibooro. I tatangira n kakaboo. Ao aio bukina ngkai N na aitara ma te korokoro n te buro n te maan ae waniua te aoa ngke ai tibwa 14 au ririki.

I bungiiaki ma teuana ootin burou ae buakaka. N te moan, a taku taokita bwa N na bon manga bae ni kainanoa te korokoro ngkana I a kara—tao ngkana I a motirawa man te mwakuri. Ma i nanon te tai, e tabe ni buakaka riki, ao e bon riki aio man kakorakoraakiu ngkana I takakaro.

N au tai n tutuo teuana n rabanen te ririki, e taku te taokita bwa e taraa n ae N na kainanoa te korokoro i nanon teuana ke uoua riki te ririki. I nanon taina anne, I iriira te kaboo birimwaaka ae abwabwaaki n au reirei. Ma au tai ni biri e aki kekerake, ma e tabe ni bwabwaka. Ao ikanne are I a ataia bwa iai te kangaanga.

Tia manga kawara naba te taokita i nanon Maati. I nanon au tai n tutuo, I namakinna bwa I riai n karaoa te korokoro ni moantaai riki nakon are ti a tia ni baireia. I a moanna n namakina te namakin i nanou ae aabue mairoun te tamnei. Te kaotioti aio e uota te rau n nano nakoiu. Ao akea bwa I ongo oin bwanaau bwa I tangiria n karaoa te korokoro n te tai naba ae baitii. A maaku n te moantai au karo, ma I tuangiia bwa, “E rau nanou. N ningai ae ti na kona n karaoa aei?” Ti bairea tain te korokoro nakon Eberi.

I nanon taai ni kangaanga, I ataia e tatauraoi ni buokai bwa Iesu Kristo. I kona n tataro n taainako nakon Tamau are i Karawa, ao e ibuobuoki.

Iai au onimaki bwa a na nakoraoi bwaai ni kabane, ma bongin te korokoro e bon kakamaaku. E rootai angina, ngke I rinnako i nanon te ruu. I uringnga ae I ruru. E rangi n ibuobuoki nakoiu n te tai anne teuaare e na anganai te iti ibukin te matu. I kakaitau ibukiia aomata ni kabane ake a buokai rinanon au kangaanga anne. E reke buokau naba mai karawa. Te katooto, au uoote ae bwanin a karaoa te aki mamatam ibukiu, ao I rangi n namakina mwaakan te aki mamatam ao te tataro.

Kariaia n te rawe tamnei man te utu ae Thomas

N boong aikai ao n korakora buroou. Ngke arona bwa I aki karaoa te korokoro, N na mate i nanon uoua te ririki. Ngkai e nang bwanin raoi maiu.

Te taneiai aioe a tia ni bita au taratara. I noriia aomata n aaro aika kakaokoro i nanon aia tai n rinanon kangaanga. I namakina te nanoanga ae korakora ibukiia. N taai tabetai I kona n taraa temanna ao I namakinna bwa a rinanon te kangaanga ae korakora, ao I nakoia ni buokiia.

I bon irou, te aro n riki bwa ana reirei Iesu Kristo e nanonaki raoi bwa te riki bwa te banna ni katooto nakoia aomata ao ni karaoi baike E na karaoia nakoia aomata. Ti bane ni uaia n mena i nanon te waaki aio. Te Atua bon Tamara, ao ngaira Natina mwaane ao aine. Ngaira ni kabane iai bukin ao uaan maiura. E korakora iango aika aki tamaroa, ngaia are I kataia ni buokiia aomata bwa a na wiwingare ao ni kukurei.

I kakoauaa bwa I kona n karekea kairakiu ae onoti mairoun te Uea ni katoa bong. E kona n kakorakoraai ao n anganai te nanomatoa. I kona ni karaoi bwaai ni kabane iroun Kristo (taraa I-Biribi 4:13).