“Kamwaninga ao Te tataro,” Ibukin Kakorakoraia Kairake, Turai 2024.
Bwanaia Kairake
Kamwaninga ao Te Tataro
Tayana C. ana ririki 17, Abidjan, Côte d’Ivoire
Tamnei iroun Ebick Ngoma
N taai aika tibwa nako ao I taonaki n te rawawata bwa e aki roko au bwii n are I tangiria. I iaiangoia ao I a kunea bwa ngaia I aki kakaraoa au tataro ke ni wawareki koroboki aika tabu. Ngaia are I a rineia bwa n na wawareware n koroboki aika tabu ao n tataro ni katoa moaningabong. N te tai ae eaki maan, e a tabe n birirake au bwii n te reirei teutana i mwin teutana. A rangi ni buokai warekan booki aika tabu ao te tataro.
N te tai teuana, iai ara ukeuke ae uarereke n te reirei. I bon tuai kamatebwai. Akea ae tia ni kamatebwai—e kakubaira ara tia reirei. A bane n babakanikawai ataei ni kabane n tain te ukeuke ae uarereke. N na bon aki kewe—I rangi n tangiria naba n karaoa te babakanikawai. Ma iai te bwai ae tuangai, “Ko na tekateka ao ni karaoa am kabanea n tamaroa ma are ko ataia.” Bon te bwanaa ae bebete. I nang rawawata, ma te bwanaa arei e karaua nanou. Ngaia are I aki tatara maingiu, ao I aki tatara ataiu. I kaekai ake I atai. N tokin te tai bon ti ngai ae reke te bwii ae rietata irou. I rang ni karabwarabwa ngke I kakauongo nakon te Tamnei ae Raoiroi.