“Korakoraia Aomata Aika Ninikoria,” Ibukin Kakorakoraia Kairake, Turai 2024.
Te Korakora man Koroboki aika a Tabu
Korakoraia Aomata Aika Ninikoria
A kainnanoa te korakora aomata aika a ninikoria n Ana Boki Moomon, ao aan te korakora anne bon Iesu Kristo. Ko na kanga ni kabongana Korakorana n aron ae a karaoia aika ninikoria aikai?
Kamataata n te tamnei iroun Jarom Vogel
Nibwaai: Te Kaotioti (1–2 Nibwaai)
Kitana mwengana, kekeiaki ma kakaewenako n te utu, ao kakaitara ake aki kantaningaia ae e kona n rangi ni matoatoa arona. Ma ngke e katuka ana onimaki iroun te Uea, e reirei aron karekean te kaotioti Nibwaai ao n onimakina te Uea bwa e na kairia.
Aramwa ma Natin Motiaea Mwaane: Rairannano (Motiaea 27–28; Aramwa 36)
E matoatoa aron te rairannano bwa e kotokoto nakoim bwa ngkoe te tia bure. I mwiin reken aia taneiai ni karaoan te rairannano rao aikai, a rairaki nakon Iesu Kristo ao a karekea te korakora ae moan te tamaroa. A kakorakoraaki bwa a na kanakoi maiuia ni kawai ao, ni beku ma te onimaki, ibukin te Uea ao ni buokiia ake tabeman bwa a na karaoa naba ae titebo ma aei. A kunei kimwareirei aika mwaiti.
Taan Buaka Aika Kairake: Buaka ma Bwaikorakin te Maiu (Aramwa 53; 56–57)
A mwaiti aekan nako angibuaka n te maiu. Ngke a kaitibo kairake n ataeinimwaane aikai ma angibuakan te maiu aei, a uringa te bwai are a reireinaki iroun tinaia ibukin te euangkerio ao n buaka “ma korakoran te Atua” (Aramwa 56:56).