“Malosiaga o Toa,” Mo Le Malosi o le Autalavou, Iulai 2024.
Malosiaga mai Tusitusiga Paia
Malosiaga o Toa
Sa manaomia foi e toa o le Tusi a Mamona le malosi, ma o Iesu Keriso o le punavai o lea malosi. E mafai faapefea ona e utuvai mai i Lona malosi e pei ona sa faia e nei toa?
Ata na tusia e Jarom Vogel
Nifae: Faaaliga (1–2 Nifae)
O le tuua o le aiga, tauivi ma luitau faaleaiga, ma le feagai ai ma le le mailoa e mafai ona faigata. Ae a o ia tuuina atu lona faatuatua i le Alii, sa aoao ai Nifae e saili faaaliga ma faalagolago i le Alii e taialaina o ia.
Alema ma Atalii o Mosaea: Salamo (Mosaea 27–28; Alema 36)
E manaomia le malosi e salamo ai ma tautino atu o oe na sese. Ina ua uma ona maua e lenei vaega o uo se valaauga mamana ia salamo, sa latou liliu atu ia Iesu Keriso ma maua le malosi tele. Sa latou tuua ma le lototoa o latou olaga tuai ma, faatasi ai ma le faatuatua, sa auauna atu i le Alii ma fesoasoani i isi ia faia foi faapea. Sa latou maua le olioli tele.
O Le Autau Talavou: Tauina o Taua o le Olaga (Alema 53; 56–57)
O le olaga e i ai taua o ituaiga eseese uma. Ina ua feagai nei alii talavou ma taua, sa latou manatuaina mea na aoao atu e o latou tina ia i latou e uiga i le talalelei ma tau “ma le malosi o le Atua” (Alema 56:56).